ຕາມຂ່າວສານຊິ່ນຮວາ: ວັນທີ 6 ຕຸລານີ້, ຄະນະຊ່ວຍເຫຼືອລີບີຂອງອົງການສະຫະປະຊາຊາດຢືນຢັນວ່າ, ວັນທີ 5 ຕຸລານີ້, ເຈົ້າໜ້າທີ່ກົມກວດກາຄົນເຂົ້າເມືອງລີບີໄດ້ສົ່ງຊາວອົບພະຍົບຜິດກົດໝາຍສັນຊາດນີເຊຣີ 138 ຄົນກັບຄືນປະເທດ.
ເຈົ້າໜ້າທີ່ຜູ້ໜຶ່ງຂອງຄະນະຊ່ວຍເຫຼືອລີບີຂອງອົງການສະຫະປະຊາຊາດກ່າວວ່າ, ຢູ່ນະຄອນຫຼວງຕຣີໂປລີຂອງລີບີ, ຊາວອົບພະຍົບເຫຼົ່ານີ້ສະໝັກໃຈກັບຄືນປະເທດ ໂດຍໄດ້ຮັບການຊ່ວຍເຫຼືອຈາກອົງການຊາວອົບພະຍົບສາກົນ. ກ່ອນໜ້ານີ້, ໃນຊາວອົບພະຍົບ 138 ຄົນດັ່ງກ່າວ ມີ 70 ຄົນໄດ້ຖືກຈັດວາງໃຫ້ພັກຢູ່ສູນອົບພະຍົບຜິດກົດໝາຍທີ່ນະຄອນຕຣີໂປລີ.
ນັບແຕ່ປີ 2011 ເປັນຕົ້ນມາ, ສະຖານະການລີບີນັບມື້ນັບຊຸດໂຊມລົງ, ລັດຖະບານບໍ່ສາມາດປົກຄອງຝັ່ງທະເລທີ່ເປັນເຂດຊາຍແດນຢ່າງບັງເກີດຜົນ. ຊາວອົບພະຍົບຜິດກົດໝາຍຈຳນວນໜຶ່ງພາກັນຖືລີບີເປັນທາງຜ່ານ, ເພື່ອຂ້າມທະເລເມດີເຕລະເນລັກໄປເອີລົບ.