ຕາມຂ່າວສານຊິ່ນຮວາ: ບໍລິສັດທາງລົດໄຟຈີນເປີດເຜີຍວ່າ, ນັບແຕ່ເລີ່ມຕົ້ນການຂົນສົ່ງໂດຍສານສະເພາະໄລຍະພັກວັນຊາດແຕ່ວັນທີ 28 ກັນຍາແລ້ວນີ້ເປັນຕົ້ນມາ, ທາງລົດໄຟທົ່ວປະເທດຈີນໄດ້ຂົນສົ່ງຜູ້ໂດຍສານ 105 ລ້ານເທື່ອຄົນ, ການຂົນສົ່ງດຳເນີນໄປຢ່າງເປັນລະບຽບ.
ວັນທີ 6 ຕຸລານີ້, ທາງລົດໄຟທົ່ວປະເທດຈີນຂົນສົ່ງຜູ້ໂດຍສານ 12 ລ້ານ 3 ແສນ 6 ໝື່ນ 8 ພັນເທື່ອຄົນ, ຫຼາຍກວ່າມື້ດຽວກັນໃນປີຜ່ານມາ 9 ແສນ 7 ໝື່ນ 4 ພັນເທື່ອຄົນ, ເພີ່ມຂຶ້ນ 8,6%, ແລະໄດ້ຂົນສົ່ງຜູ້ໂດຍສານຫຼາຍກວ່າ 10 ລ້ານເທື່ອຄົນໃນ 7 ມື້ລຽນຕິດ.
ວັນທີ 7 ຕຸລານີ້, ເປັນມື້ທີ່ມີຜູ້ໂດຍສານທາງລົດໄຟຂາກັບຫຼາຍທີ່ສຸດ, ຄາດວ່າ, ຈະຂົນສົ່ງຜູ້ໂດຍສານ 13 ລ້ານ 6 ແສນ 1 ໝື່ນເທື່ອຄົນ. ຈາກນີ້, ພາກສ່ວນທາງລົດໄຟ, ຈະເພີ່ມຂະບວນລົດໄຟໂດຍສານ 911 ຂະບວນ, ເພື່ອພະຍາຍາມຕອບສະໜອງຄວາມຕ້ອງການໃນການອອກເດີນທາງຂອງຜູ້ໂດຍສານເປັນຢ່າງດີ.
 |
