ວັນທີ 8 ຕຸລານີ້, ກຳປັ່ນ "ຊ້ຽງຢາງໂຫງ" 01 ຂອງຈີນທີ່ພວມປະຕິບັດໜ້າທີ່ສຳຫຼວດວິທະຍາສາດສັງລວມທາງທະເລໂລກຄັ້ງທຳອິດໄດ້ອອກເດີນທາງຈາກທ່າກຳປັ່ນຄັບທອນປະເທດອາຟຣິກາໃຕ້ແລ້ວມຸ່ງໜ້າໄປສູ່ການປະຕິບັດໜ້າທີ່ຢູ່ມະຫາສະໝຸດອັດລັງຕິກ.
ໃນໄລຍະການເດີນເຮືອທຳອິດໄດ້ສຳເລັດໜ້າທີ່ສຳຫຼວດວິທະຍາສາດໂລກຢ່າງຈົບງາມ ໂດຍພະນັກງານຄົ້ນຄວ້າວິທະຍາສາດໄດ້ເຮັດວຽກກວດກາຢູ່ເຂດທີ່ໂຮມດິນມີໜ້ອຍຫຼາຍໃຕ້ມະຫາສະໝຸດອິນເດຍກາງ. ຂະນະດຽວກັນກໍໄດ້ດຳເນີນການສຳຫຼວດສັງລວມສະພາບແວດລ້ອມ,ດິນຟ້າອາກາດແລະອື່ນໆ. ນອກນີ້, ຍັງຈະຄົ້ນຄວ້າເຂດໃຈກາງທີ່ໂຮມຊັບພະຍາກອນດິນທີ່ມີໜ້ອຍໃນເນື້ອທີ່ປະມານ 1 ແສນ 5 ໝື່ນກິໂລຕາແມັດ.
ການສຳຫຼວດວິທະຍາສາດສັງລວມທາງທະເລໂລກຄັ້ງທຳອິດຂອງຈີນແມ່ນການສຳຫຼວດວິທະຍາສາດສັງລວມທາງທະເລໂລກທີ່ປະສົມປະສານການສຳຫຼວດວິທະຍາສາດມະຫາສະໝຸດກັບການສຳຫຼວດວິທະຍາສາດເຂດຂົ້ວໂລກຄັ້ງທຳອິດ. ກຳປັ່ນ "ຊ້ຽງຢາງໂຫງ 01" ທີ່ໄດ້ອອກເດີນທາງຈາກເມືອງຊິ່ງຕາວແຂວງຊ່ານຕຸ່ງໃນວັນທີ 28 ສິງຫາປີນີ້ໄດ້ປະຕິບັດໜ້າທີ່ດັ່ງກ່າວຄັ້ງທຳອິດ ແລະຄາດວ່າຈະເດີນທາງກັບຄືນເມືອງຊິ່ງຕາວໃນວັນທີ 15 ພຶດສະພາປີ 2018.