ເຮືອ​ບັນ​ທຸກ​ຊາວ​ໂຣ​ຮິນ​ຢາຫຼົ້ມ ຢ່າງ​ໜ້ອຍ 2 ຄົນ​ເສຍ​ຊີ​ວິດ​ ແລະ 30 ຄົນ​ຫາຍ​ສາບ​ສູນ
2017-10-09 11:30:00  cri 
ສື່ມວນ​ຊົນ​ບັງ​ກ​ລາ​ເດັດ​ລາຍ​ງານ​ໃນ​ວັນ​ທີ 9 ຕຸ​ລາ​ນີ້​ວ່າ: ຕອນ​ຄ່ຳ​ວັນ​ທີ 8 ຕຸ​ລາ​ນີ້, ເຮືອ​ທີ່​ບັນ​ທຸກ​ຊາວ​ໂຣ​ຮີນ​ຢາ​ລຳ​ໜຶ່ງ​ໄດ້ຫຼົ້ມ​ຂະ​ນະເດີນ​ທາງ​ຈາກ​ມຽນ​ມາ​ໄປ​ບັງ​ກ​ລາ​ເດັດ ເຮັດ​ໃຫ້​ຢ່າງ​ໜ້ອຍ​ມີ​ຜູ້​ເສຍ​ຊີ​ວິດ 2 ຄົນ​ເສຍ​ຊີ​ວິດ, 30 ຄົນ​ຫາຍ​ສາບ​ສູນ​ແລະ​ມາ​ຮອດ​ປັດ​ຈຸ​ບັນ, ສາ​ມາດ​ຊ່ວຍ​ໄດ້​ແລ້ວ 8 ຄົນ.

ເຈົ້າ​ໜ້າ​ທີ່​ຕຳ​ຫຼວດ​ທ້ອງ​ຖິ່ນ​ກ່າວ​ຕໍ່​ສື່ມວ​ນ​ຊົນ​ວ່າ: ເຮືອ​ທີ່ບັນ​ທຸກ​ຊາວ​ໂຣ​ຮີນ​ຢາ​ໄດ້​ຫຼົ້ມ​ຢູ່​ແມ່​ນ້ຳ​ຊາຍ​ແດນ​ລະ​ຫວ່າງ​ບັງ​ກ​ລາ​ເດັດ-ມຽນ​ມາ ທາງ​ພາກ​ໃຕ້ປະ​ເທດ​ບັງ​ກ​ລາ​ເດັດ​ໃນ​ເວ​ລາ 21 ໂມງ 30 ນ​າ​ທີ​ຂອງວັນ​ທີ 8 ຕຸ​ລາ​ນີ້ຕາມ​ເວ​ລາ​ທ້ອງ​ຖິ່ນ. ຂະ​ນະ​ທີ່ຕຳ​ຫຼວດ​ໄດ້​ພົບ​ 2 ສົບ ແລະຊ່ວຍ​ໄດ້ 8 ຄົນ.

ໜ່ວຍ​ຕຳ​ຫຼວດ​ປ້ອງ​ກັນ​ແຄມ​ຝັ່ງ​ທາງ​ທະ​ເລ​ ແລະ ກອງ​ທະ​ຫານ​ປ້ອງ​ກັນຊາຍ​ແດນປະ​ເທດ​ບັງ​ກ​ລາ​ເດັດ​ໄດ້ເລັ່ງຄົ້ນ​ຫາ​ແລະ​ຊ່ວຍ​ເຫຼືອ​ຢູ່​ເຂດ​ທະ​ເ​ລ​ທີ່​ເກີດ​ເຫດ ໂດຍ​ເຈົ້າ​ໜ້າ​ທີ່ກອງ​ປ້ອງ​ກັນ​ເຂດ​ຊາຍ​ແດນ​ດັ່ງ​ກ່າວ​ໃຫ້​ຮູ້​ວ່າ: ປັດ​ຈຸ​ບັນ​ຍັງ​ມີ​ຢ່າງ​ໜ້ອຍ 30 ຄົນ​ຫາຍ​ສາບ​ສູນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ