ໄທ​ເລີ່ມບັງ​ຄັບ​ໃຊ້​ຂໍ້​ກຳ​ນົດ​ພັກ​ການ​ເມືອງ​ສະ​ບັບ​ໃໝ່
2017-10-09 16:32:14  cri 
ປະ​ເທດ​ໄທ​ໄດ້​ປະ​ກາດ "ຂໍ້​ກຳ​ນົດ​ກ່ຽວ​ກັບ​ພັກ​ການ​ເມືອງ" ສະ​ບັບ​ໃໝ່​ແລະ​ມີ​ຜົນ​ບັງ​ຄັບ​ໃຊ້​ຢ່າງ​ເປັນ​ທາງ​ການ​ເລີ່ມ​ແຕ່​ວັນ​ທີ 8 ຕຸ​ລາ​ນີ້​ເປັນ​ຕົ້ນ​ໄປ​ແລະ​ຖື​ເປັນ​ກົດ​ໝາຍ​ສຳ​ຄັນ​ສະ​ບັບ​ທີ​ສອງ​ກ່ຽວ​ກັບ​ການ​ເລືອກ​ຕັ້ງ​ຫຼັງປະ​ເທດ​ດັ່ງ​ກ່າວ​ເລີ່ມ​ປະ​ຕິ​ບັດ​ລັດ​ຖະ​ທຳ​ມະ​ນູນ​ສະ​ບັບ​ໃໝ່.

ຂໍ້​ກຳ​ນົດ​ກ່ຽວ​ກັບ​ພັກ​ການ​ເມືອງ​ສະ​ບັບ​ໃໝ່​ມີ 152 ​ມາດ​ຕາ, ໃນ​ນີ້​ໄດ້​ກຳ​ນົດ​ວ່າ​ທຶນ​ສະ​ໜັບ​ສະ​ໜູນພັກ​ກາ​ນ​ເມືອງ​ບໍ່​​ໃຫ້​ໜ້ອຍກວ່າ 1 ລ້ານ​ບາດ, ຄວນ​ໃຫ້​ຜູ້​ລິ​ເລີ່ມ​ກໍ່​ສ້າງ​ພັກ​ການ​ເມືອງ​ອອກ​ທຶນ​ຮ່ວມ, ​ໂດຍແຕ່​ລະ​ຄົນ​ບໍ່​ໃຫ້​ໜ້ອຍກວ່າ 1000 ບາດ​, ຂະ​ນະ​ດຽວ​ກັນ​ກໍ​ບໍ່​ຄວນ​ຫຼາຍກວ່າ 5 ໝື່ນ​ບາດ. ກ່ອນ​ການ​ສ້າງ​ຕັ້ງ​ພັກ​ການ​ເມືອງ​ໃໝ່, ສະ​ມາ​ຊິກ​ພັກ​ດັ່​ງ​ກ່າວ​ຄວນ​ເຂົ້າ​ຮ່ວມ​ກອງ​ປະ​ຊຸມ, ​ແລະ​ຕ້ອງ​ມີຜູ້​ຮ່ວມ​ປະ​ຊຸ​ມ​ບໍ່​​ໜ້ອຍ​ກວ່າ 250 ຄົນ.
ຂໍ້​ກຳ​​ນົດ​ດັ່ງ​ກ່າວ​ຍັງ​ລະ​ບຸ​ວ່າ, ຫ້າມ​ບໍ່​ໃຫ້​ພັກ​ການ​ເມືອງ​ແລະ​ເຈົ້າ​ໜ້າ​ທີ່​ດຳ​ລົງ​ຕຳ​ແໜ່ງ​ການ​ເມືອງ​ກະ​ທຳ​ໃດໆ​ທີ່​ເປັນ​ການສະ​ໜັບ​ສະ​ໜູນ​ຜູ້​ອື່ນ​ລົບ​ກວນ​ຫຼື​ຂົ່ມ​ຂູ່​ຄວາມ​ໝັ້ນ​ຄົງ​ຂອງ​ຊາດ, ຫຼື​ທຳ​ລາຍ​ຊັບ​ພະ​ຍາ​ກອນ​ທຳ​ມະ​ຊາດ​ຂອງ​ປະ​ເທດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ