ຕຳ​ຫຼວດ​ມາ​ເລ​ເຊຍ​ຈັບ​ຜູ້​ຖືກ​ສົງ​ໄສ​ກໍ່​ການ​ຮ້າຍ 8 ຄົນ
2017-10-09 16:45:10  cri 
ທ່ານ​ອາ​ເມັດ ຈາ​ຮິດ ຮາ​ມິ​ຕິ ຮອງ​ນາ​ຍົກ​ລັດ​ຖະ​ມົນ​ຕີ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ພາຍ​ໃນ​ມາ​ເລ​ເຊຍ​ເປີດ​ເຜີຍ​ໃນ​ວັນ​ທີ 8 ຕຸ​ລາ​ນີ້​ວ່າ, ເຈົ້າ​ໜ້າ​ທີ່​ຕຳ​ຫຼວດ​​ປະ​ເທດ​ຕົນ​ສາ​ມາດ​ຈັບ​ຜູ້​ຖືກ​ສົງ​ໄສກໍ່​ການ​ຮ້າຍໄດ້ 8 ຄົນ.

​ທັງ​ນີ້​ໃນ​ວັນ​ທີ 8 ຕຸ​ລາ​ນີ້, ເຈົ້າ​ໜ້າ​ທີ່​ຕຳ​ຫຼວດ​ມາ​ເລ​ເຊຍ​ໄດ້​ອອກ​ຖະ​ແຫຼງ​ການ​​ວ່າ, ໃນ​ເດືອນ​ກັນ​ຍາ​ແລະ​ຕຸ​ລາ​ປີ​ນີ້​ສາ​ມາດ​ຈັບ​ຜູ້​ຖືກ​ສົງ​ໄສ​ກຸ່ມ​ກໍ່​ການ​ຮ້າຍ 8 ຄົນ​ຢູ່​ລັດ​ເຊ​ລັນ​ໂກ,  ລັດ​ຊາ​ບາ​ແລະ​ລັດ​ເປຣັກໂດຍ​ພວກ​ເຂົາ​ໄດ້ວາງ​ແຜນ​ໂຈມ​ຕີ​ໂບດ, ເພື່ອ​ກໍ່​ຄວາມ​ວຸ້ນວາຍ​ທາງ​ສັງ​ຄົມ​ຢູ່​ປະ​ເທດ​ຕົນ​ເຊິ່ງ​ເປັນ​ປະ​ເທດ​ທີ່​ມີ​​ຫຼາຍສາ​ສະ​ໜາ​, ແລະ​ທຳ​ລາຍ​ຄວາມ​ສາ​ມັກ​ຄີ​ປອງດອງ​ທາງ​ສາ​ສະ​ໜາ​ຕື່ມ​ອີກ. ເຈົ້າ​ໜ້າ​ທີ່​ຕຳ​ຫຼວດ​ກ່າວ​ວ່າ, ​ຜູ້​ຖືກ​ສົງ​ໄສ 8 ຄົນ​​ທີ່​ຈັບ​ໄດ້​ນັ້ນ 4 ຄົນ​ແມ່ນ​ຊາວ​ມາ​ເລ​ເຊຍ, ອີກ 4 ຄົນ​​ແມ່ນ​ຄົນ​ຕ່າງ​ປະ​ເທດ.

ເນື່ອງ​ຈາກ​ລັດ​ຖະ​ບານ​ມາ​ເລ​ເຊຍ​ຕໍ່​ຕ້ານ​ການ​ເຄື່ອນ​ໄຫວ​ການ​ກໍ່​ການ​ຮ້າຍ​ທີ່​ກ່ຽວ​ພັນ​ກັບກຸ່ມ IS ຢ່າງ​ເຂັ້ມ​ງວດ, ປະ​ເທດ​ດັ່ງ​ກ່າວ​ຈຶ່ງຖືກ​ຂົ່ມ​ຂູ່​ກໍ່​ການ​ຮ້າຍ​ຈາກກຸ່ມ IS.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ