ປາ​ກິ​ສະ​ຖານຈັດ​ພິ​ທີ​ຮັບ​ເອົາ​ລົດ​ໄຟ​ໃຕ້​ດິນ​ຂະ​ບວນ​ທຳ​ອິດທີ່​ຈີນ​ຜະ​ລິດ​
2017-10-10 11:26:14  cri 
ວັນ​ທີ 9 ຕຸ​ລາ​ນີ້, ບໍ​ລິ​ສັດ​ຈັກ​ລົດ​ໄຟ​ຈູ່​ໂຈ່ວ​ຈົ່ງ​ເຊີ່​ຈີນ​ຈຳ​ກັດ​ໄດ້​ໃຫ້​ຮູ້​ວ່າ: ໃນ​ຕອນ​ບ່າຍ​ວັນ​ທີ 8 ຕຸ​ລາ​ນີ້​ຕາມ​ເວ​ລາ​ທ້ອງ​ຖິ່ນ, ຢູ່​ເມືອງ​ລາ​ຮໍ ເຊິ່ງ​ເປັນເມືອງ​ໃຫຍ່​ອັນ​ດັບ​ທີ 2 ຂອງ​ປາ​ກິ​ສະ​ຖານ ແຂວງ​ປຸນ​ຈັບ​ໄດ້​ຈັດ​ພິ​ທີ​ຮັບ​ເອົາ​ລົດ​ໄຟ​ໃຕ້​ດິນ​ທີ່​ທັນ​ສະ​ໄໝຂະ​ບວນ​ທຳ​ອິດ​ທີ່​ຈີນ​ຜະ​ລິດ​ ເຊິ່ງ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ​ປາ​ກິ​ສະ​ຖານ​ໄດ້​ເຂົ້າ​ສູ່​ຍຸກ​ລົດ​ໄຟ​ໃຕ້​ດິນ​ຢ່າງ​ເປັນ​ທາງ​ການ.

ໃນ​ໄລ​ຍະ​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ສຸດຍອດ​ການ​ຮ່ວມ​ມື​ສາ​ກົນ​ "ໜຶ່​ງ​ແລວ​ທາງ​ໜຶ່ງ​ເສັ້ນ​ທາງ"ທີ່​ຈັດ​ຂຶ້ນ​ໃນ​ເດືອນ​ພຶດ​ສະ​ພາ​ປີ​ນີ້ ໂຄງ​ການ​ແບບ​ຢ່າງ​ຂອງ​ແລວທາງ​ເສດ​ຖະ​ກິດ​ຈີນ-ປາ​ກິ​ສະ​ຖານທີ່​ບໍ​ລິ​ສັດ​ທາງ​ລົດ​ໄຟ​ຈີນ​ນຳ​ໜ້າ​ຮ່ວມ​ກັບ​ບໍ​ລິ​ສັດ​ອຸດ​ສາ​ຫະ​ກຳ​ເປີຍ​ຟ່າງຈີນ​ເປັນ​ຜູ້​ຮັບ​ເໝົາ​ຄື ລົດ​ໄຟ​ໃຕ້​ດິນ​ຂະ​ບວນ​ທຳ​ອິດ​ຂອງ​ໂຄງ​ການ​ເສັ້ນ​ທາງ​ສີ​ໝາກ​ກ້ຽງ​ຄົມ​ມະ​ນາ​ຄົມ​ວົງ​ໂຄ​ຈອນ​ລາ​ຮໍ​ຂອງ​ປາ​ກິ​ສະ​ຖານ​ໄ​ດ້​ສ້າງ​ສຳ​ເລັດ​ຢູ່​ບໍ​ລິ​ສັດ​ຈັກ​ລົດ​ໄຟ​ຈູ່​ໂຈ່ວ​ຈົ່ງ​ເຊີ່​ຈີນ​ຈຳ​ກັດ. ໂຄງ​ການ​ດັ່ງ​ກ່າວ​ຈະ​ປັບ​ປຸງ​ລະ​ດັບ​ການ​ຄົມ​ມະ​ນາ​ຄົມ​ສາ​ທາ​ລະ​ນະ​ຂອງ​ເມືອງ​ລາ​ຮໍ​ທີ່​ເປັນ​ສູນ​ສິ​ລະ​ປະ​ວັດ​ທະ​ນະ​ທຳ​ຂອງ​ປາ​ກິ​ສະ​ຖານ​ນັ້ນ​ໃຫ້​ດີ​ຂຶ້ນ, ຖອດ​ຖອນ​ບົດ​ຮຽນ​ໃຫ້​ແກ່​ການ​ຍົກ​ລະ​ດັບ​ຄົມ​ມະ​ນາ​ຄົມ​ວົງ​ໂຄ​ຈອນ​ຂອງ​ທົ່ວ​ປະ​ເທດປາ​ກິ​ສະ​ຖານ​ໃຫ້​ສູງ​ຂຶ້ນ; ໂຄງ​ການ​ດັ່ງ​ກ່າວ​ຍັງ​ເປັນ​ການ​ຈັດ​ຕັ້ງ​ປະ​ຕິ​ບັດ​ແລວ​ທາງ​ເສດ​ຖະ​ກິດ​ຈີນ-ປາ​ກິ​ສ​ະ​ຖານ​ໃນ​ການ​ສ້າງ "ໜຶ່​ງ​ແລວ​ທາງ​ໜຶ່ງ​ເສັ້ນ​ທາງ" ຢ່າງ​ຮອບ​ດ້ານ ເຊິ່ງ​ເປັນ​ນິ​ມິດ​ໝາຍ​ສຳ​ຄັນ​ຍິ່ງ​ຕໍ່​ການ​ລົງ​ເລິກ​ມິດ​ຕະ​ພາບ​ລະ​ຫວ່າງ​ຈີນ-ປາ​ກິ​ສະ​ຖານ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ