ຊ່ອງ​ຂ່າວ​ຟີ​ລິບ​ປິນ-ຈີ​ນ​ຂອງ​ຟີ​ລິບ​ປິນ​ເລີ່ມ​ອອກ​ອາ​ກາດ​ດ້ວຍ 3 ພາ​ສາ
2017-10-10 15:51:24  cri 
ຊ່ອງ​ຂ່າວ​ຟີ​ລິບ​ປິນ-ຈີນ (CNTV) ເຊິ່ງ​ເປັນ​ຊ່ອງ​ຂ່າວໂທ​ລະ​ພາບໃໝ່​ຂອງ​ຟີ​ລິບ​ປິນ​​ໄດ້​ເລີ່ມອອກ​ອາ​ກາດ​ໃນ​ວັນ​ທີ 9 ຕຸ​ລາ​ນີ້. ຊາວ​ຈີນ​ຢູ່​ຟີ​ລິບ​ປິນ​ສາ​ມາດ​ເປີດ​ເບິ່ງ​ໄດ້​ໃນ​ທຸກວັນ​ຈັນ​ຫາ​ວັນ​ສຸກ​ຂອງ​ແຕ່​ລະ​ອ​າ​ທິດ, ເຊິ່ງ​ສາ​ມາດ​ຕິດ​ຕາມ​ເບິ່ງ​ໄດ້​ຈາກ 4 ຊ່ອງຄື: EBCNet25、Cignal cable14、Skycable18 ແລະ Destiny scable19, ​ສາ​ມາດ​ເບິ່ງ​ລາຍ​ການ​ຂ່າວໄດ້ 3 ພາ​ສາ​ຄືພາ​ສາ​ອັງ​ກິດ,ພາ​ສາ​ຈີນ​ແລະ​ພາ​ສາ​ຟີ​ລິບ​ປິນ​ທີ່​ຜະ​ລິດ​ໂດຍ CNTV ເປັນ​ເວ​ລາ​ເຄິ່ງ​ຊົ່ວ​ໂມງ. ພ້ອມ​ທັງ​ຮັບ​ຟັງ​ລາຍ​ການ​ເຫຼົ່າ​ນີ້​ໄດ້ໂດຍ​ຜ່ານ​ວິ​ທະ​ຍຸ​ໄດ້​ຂະ​ນະ​ທີ່​ຂັບ​ລົດ.

ການ​ອອກ​ອາ​ກາດ​ແລະ​ກະ​ຈາຍ​ສຽງ​ຂ່າວ​ທັນ​ເຫດ​ການ​ຂອງ​ໂລກ​ດ້ວຍ​ພາ​ສາ​ຈີນ​ເປັນການ​ອອກ​ອາ​ກາດ​ຄັ້ງ​ທຳ​ອິດ​ໃນ​ປະ​ຫວັດ​ສາດ​ຂອງ​ຟີ​ລິບ​ປິນ; ສ່ວນ​ການ​ໃຊ້ 3 ພາ​ສາ​ແມ່ນ​ບໍ່​ເຄີຍ​ມີ​ມາ​ກ່ອນ​ໃນ​ປະ​ຫ​ຫວັດ​ສາດ​ຟີ​ລິບ​ປິນ. ການ​ອອກ​ອາ​ກາດ​ຂອງ CNTV ບໍ່​ພຽງ​ແຕ່​ແມ່ນ​ເຫດ​ການທີ່​ຍິ່ງ​ໃຫຍ່​ໃນ​ວົງ​ການ​ຊາວ​ຈີນ​ຢູ່​ຟີ​ລິບ​ປິນ​ເທົ່າ​ນັ້ນ, ຫາກ​ຍັງ​ເປັນ​ປ່ອງ​ຢ້ຽມ​ໃໝ່​ໃນ​ການ​ສັງ​ເກດ​ເບິ່ງ​ການ​ພັດ​ທະ​ນາ​ແ​ລະ​ການ​ເຊື່ອມ​ໂຍງ​ເຂົ້າກັນ​ຂອງ​ສັງ​ຄົມ​ຟີ​ລິບ​ປິນອີກ​ດ້ວຍ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ