ທະນາຄານ​ສະ​ແຕນດາດ ຈາ​ເຕ​ເຣັດ ຄາດ​ວ່າ ປີ​ນີ້ ​ເສດຖະກິດ​ຫວຽດນາມຈະ​ເຕີບ​ໂຕ 6,8%
2017-10-11 16:45:08  cri 

​ເມື່ອ​ບໍ່​ດົນ​ມາ​ນີ້, ທະນາຄານ​ສະ​ແຕນ​ດາດ ຈາ​ເຕ​ເຣັດ (Standard Chartered Bank) ​ໄດ້​ປັບ​ການ​ຄາດ​ຄະ​ເນ​ຈັງຫວະ​ການ​ເຕີບ​ໂຕ​ຂອງ​ເສດຖະກິດ​ຫວຽດນາມ​ໃນ​ປີ 2017 ​ແລະ ປີ 2018 ລ້ວນ​ແຕ່​ຢູ່​ໃນ​ລະດັບ 6,8%, ຂະນະ​ທີ່ກ່ອນ​ໜ້າ​ນີ້ຕົວ​ເລກ​ການ​ຄາດ​ຄະ​ເນດັ່ງກ່າວແມ່ນ 6,4% ​ແລະ 6,6%.

ທະນາຄານ​ດັ່ງກ່າວ​ໄດ້​ເຜີຍ​ແຜ່​ບົດ​ລາຍ​ງານ​ວ່າ ​ເນື່ອງ​ຈາກ​ຈັງຫວະ​ການ​ເຕີບ​ໂຕ​ຂອງ​ເສດຖະກິດ​ຫວຽດນາມ​ໃນ 3 ​ໄຕ​ມາດ​ຜ່ານ​ມາ ​ໄດ້​ບັນລຸ​ເຖິງ 6,4% ສະນັ້ນ, ຈຶ່ງ​ໄດ້​ປັບ​ຕົວ​ເລກ​ຄາດ​ຄະ​ເນ​ຕາມ​ຄວນ.

ບົດ​ລາຍ​ງານ​ຊີ້​ໃຫ້​ເຫັນ​ວ່າ: ​ໃນ​ໄລຍະ​ໃກ້​ນີ້, ການ​ສົ່ງ​ອອກ​ຂອງ​ຫວຽດນາມຍັງ​ຈະ​ເຕີບ​ໂຕ​ຢ່າງ​ແຂງ​ແຮງ​ຄື​ໄລຍະ​ຜ່ານ​ມາ ​ແລະ​ເຮັດ​ໃຫ້ການ​ໄດ້​ປຽບ​ດູ​ນການ​ຄ້າ​ເພີ່ມ​ຂຶ້ນ ​ເຊິ່ງ​ເປັນ​ການ​ສະໜັບສະໜູນ​ການ​ພັດທະນາ​ເສດຖະກິດ​ຢ່າງຮອບດ້ານ. ພ້ອມ​ກັນນັ້ນ, ​ໃນ 9 ​ເດືອນ​ທຳ​ອິດ​ຂອງ​ປີ​ນີ້, ຫວຽດນາມ​ສາມາດ​ດຶງ​ດູດ​ຕ່າງປະ​ເທດ​ມາ​ລົງທຶນ​ໂດຍ​ກົງ​ເພີ່ມ​ຂຶ້ນ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີຜ່ານມາ.

ສະພາ​ແຫ່ງ​ຊາດ​ຫວຽດນາມ​ໄດ້​ຕັ້ງ​ເປົ້າໝາຍ​ການ​ເຕີບ​ໂຕ​ຂອງ​ເສດຖະກິດ​ປະ​ເທດ​ຕົນ​ໃນ​ປີນີ້​ໃຫ້​ຢູ່​ໃນ​ລະດັບ 6,7%.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ