ຄາດ​ວ່າ ໄທ​ຈະ​ຈັດ​ການ​ເລືອກ​ຕັ້ງ​ທົ່ວ​ໄປ​ໃນ​ເດືອນ​ພະ​ຈິກ​ປີ​ໜ້າ
2017-10-11 11:17:19  cri 
ຕາມ​ຂ່​າວCRI: ວັນ​ທີ 10 ຕຸ​ລາ​ນີ້, ທ່ານ ປ​ຣະ​ຍຸດ ຈັນ​ໂອ​ຊາ ນາ​ຍົກ​ລັດ​ຖະ​ມົນ​ຕີ​ໄທ​ກ່າວ​ຢູ່​ສຳ​ນັກ​ງານນາ​ຍົກ​ລັດ​ຖະ​ມົນ​ຕີ​ວ່າ: ລັດ​ຖະ​ບານ​ໄທ​ຈະ​ປະ​ກາດ​ເວ​ລາ​ຂອງ​ການ​ຈັດ​ການ​ເລືອກ​ຕັ້ງ​ທົ່ວ​ໄປ​ທີ່​ລະ​ອຽດ​ໃນ​ເດືອນ​ມິ​ຖຸ​ນາ​ປີ​ໜ້າ,ຄາດ​ວ່າ​ຈະ​ຈັດ​ການ​ເລືອກ​ຕັ້ງ​ໃນ​ເດືອນ​ພະ​ຈິກ​ປີ​ໜ້າ.

ທ່ານ ປ​ຣະ​ຍຸດ ກ່າວ​ວ່າ: ນີ້​ແມ່ນ​ຄວາມ​ເປັນ​ເອ​ກະ​ພາບ​ກັບ​​ແຜນ​ການ​ຟື້ນ​ຟູ​ການ​ເລືອກ​ຕັ້ງ​ປະ​ຊາ​ທິ​ປະ​ໄຕຄືນ​ໃໝ່​ທີ່​ລັດ​ຖະ​ບານ​ວາງ​ໄວ້. ຂະ​ນະ​ດຽວ​ກັນ​ທ່ານ ປ​ຣະ​ຍຸດ ຈັນ​ໂອ​ຊາ ທີ່​ດຳ​ລົງ​ຕຳ​ແໜ່ງ​ປະ​ທານ​ຄະ​ນະ​ຮັກ​ສາຄວາມ​ສະ​ຫງົບ​ແຫ່ງ​ຊາດ​ຍັງ​ໄດ້​ໃຫ້​ຮູ້​ວ່າ: ກົດ​ໝາຍ​ພັກ​ການ​ເມືອງ​ທີ່​ຂຶ້ນ​ກັບ​ລັດ​ຖະ​ທຳ​ມະ​ນູນ​ຂອງ​ໄທ​ໄດ້​ເລີ່ມ​ປະ​ຕິ​ບັດ​ໃນ​ກ່ອນ​ໜ້າ​ນີ້.

ໃນ​ປີ 2014, ຫຼັງ​ຈາກ​ການ​ລັດ​ຖະ​ປະ​ຫານ​ຂອງກອງ​ທັບ​ໄ​ທ​ໂຄ່ນ​ລົ້ມ​ອຳ​ນາດ​ການ​ປົກ​ຄອງ​ພັກ​ເພື່ອ​ໄ​ທ​ທີ່​ໄດ້​ຮັບ​ການ​ເລືອກ​ຕັ້ງ​ຈາກ​ປະ​ຊາ​ຊົນ​ແລ້ວ, ກໍໄດ້​ສ້າງ​ຕັ້ງ​ຄະ​ນະຮັກ​ສາ​ຄວາມ​ສະ​ຫງົບ​ແຫ່ງ​ຊາດແລະ​ເກືອດ​ຫ້າມ​ການ​ເຄື່ອນ​ໄຫວ​ຂອງພັກ​ການ​ເມືອງ. ທ່ານ ປ​ຣະ​ຍຸດ ໄດ້​ໃຫ້​ຄຳ​ໝັ້ນ​ສັນ​ຍາ​ວ່າ​ໄທ​ຈະ​ຈັດ​ການ​ເລືອກ​ຕັ້ງ​ທົ່ວ​ໄປ,ແລະ​ໄດ້​ສະ​ເໜີແຜນ​ການ​ຟື້ນ​ຟູການ​ເລືອກ​ຕັ້ງ​ປະ​ຊາ​ທິ​ປະ​ໄຕຄືນ​ໃໝ່​.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ