ສຳ​ນັກ​ງານ​ເລ​ຂາການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່ນ້ຳ​ຂອງ​ແຫ່ງ​ຊາດ​ກຳ​ປູ​ເຈຍ​ໄດ້​ສ້າງ​ຕັ້ງ​ຂຶ້ນ​ຢ່າງ​ເປັນ​ທາງ​ການ​ທີ່​ນະ​ຄອນ​ຫຼວງ​ພະ​ນົມ​ເປັນ
2017-10-11 11:18:10  cri 
ສຳ​ນັກ​ງານ​ເລ​ຂາ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ແຫ່ງ​ຊາດ​ກຳ​ປູ​ເຈຍ​ໄດ້​ສ້າງ​ຕັ້ງ​ຂຶ້ນ​ຢູ່​ນະ​ຄອນ​ຫຼວງ​ພະ​ນົມ​ເປັນ​ປະ​ເທດ​ກຳ​ປູ​ເຈຍ​ຢ່າງ​ເປັນ​ທາງ​ການ. ທ່ານ​ ປ​ຣັກ ໂຊ​ຄອນ ລັດ​ຖະ​ມົນ​ຕີ​ລັດ​ຖະ​ກິດ​ທັງ​ເປັນ​ລັດ​ຖະ​ມົນ​ຕີກະ​ຊວງ​ການ​ຕ່າງ​ປະ​ເທດ​ແລະ​ຮ່ວມ​ມື​ສາ​ກົນກຳ​ປູ​ເຈຍ, ທ່ານ ໂສງ​ໂປ່ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ກຳ​ປູ​ເຈຍ​ກໍ​ຄື​ທູ​ຕາ​ນຸ​ທູດ​ຂອງ​ປະ​ເທດ​ສະ​ມາ​ຊິ​ກ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ອື່ນໆ​ໄດ້​ເຂົ້າ​ຮ່ວມ​ພິ​ທີ.

ທ່ານ ປ​ຣັກ ໂຊ​ຄອນ ກ່າວ​ວ່າ: ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ເປັນ​ກົນ​ໄກ​ຮ່ວມ​ມື​ຂອງ​ອະ​ນຸ​ພາກ​ພື້ນ​ທີ່​ສຳ​ຄັນ, ຈະ​ຊຸກ​ຍູ້​ການ​ຮ່ວມ​ມື​ແລະ​ການ​ພັດ​ທະ​ນາ​ຈາກ 5 ​​ບູ​ລິ​ມະ​ສິດຄື: ການ​ເຊື່ອມ​ຈອດ​ກັນ,ການ​ຮ່ວມ​ມື​ດ້ານ​ຄວາມ​ສາ​ມາດ​ການ​ຜະ​ລິດ, ການ​ຮ່ວມ​ມື​ດ້ານ​ເສດ​ຖະ​ກິດ​ຂ້າມ​ຊາດ, ການ​ຮ່ວມ​ມື​ດ້ານ​ຊັບ​ພະ​ຍາ​ກອນ​ນ້ຳ ແລະ​ກະ​ສິ​ກຳ​ແລະ​ການ​ຫຼຸດ​ຜ່ອນ​ຄວາມ​ທຸກ​ຍາກ.

ທ່ານ ໂສງ​ໂປ່ ກ່າວ​ວ່າ: ກາ​ນ​ສ້າງ​ຕັ້ງ​ສຳ​ນັກງານ​ເລ​ຂາ​ດັ່ງ​ກ່າວ​ໄດ້​ສະ​ແດງ​ໃຫ້​ເຫັນ​ຄວາມ​ມຸ່ງ​ຫວັງ​ແລະ​ຄວາມ​ຕັດ​ສິນ​ໃຈ​ຂອງ​ລັດ​ຖະ​ບານ​ກຳ​ປູ​ເຈຍ​ໃນ​ການ​ຊຸກ​ຍູ້​ການ​ຮ່ວມ​ມື​ແມ່​ນ້ຳ​ລ້າ​ນ​ຊ້າງ-ແມ່​ນ້ຳ​ຂອງ​ຢ່າງ​ຕັ້ງ​ໜ້າ,ແລະ​ມີ​ຄວາມ​ໝາຍ​ສຳ​ຄັນ​ຕໍ່​ການ​ພັດ​ທະ​ນາ​ກົນ​ໄກ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ. ຈີນ​ຍິນ​ດີ​ຮ່ວມ​ກັບ​ກຳ​ປູ​ເຈຍ​ແລະ​ບັນ​ດາ​ຝ່າຍ​ທີ່​ກ່ຽວ​ຂ້ອງ​ເພີ່ມ​ທະ​ວີ​ການ​ຮ່ວມ​ມື, ພ້ອມ​ທັງຊຸກ​ຍູ້​ການ​ຮ່ວມ​ມື​ແມ່​ນ້ຳ​ລ້າ​ນ​ຊ້າງ-ແມ່​ນ້ຳ​ຂອງ​ໃຫ້​ພັດ​ທະ​ນາ​ຢ່າງ​ປອດ​ໃສ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ