ທ່ານນິ້ງຈີເຈີ ປະທານອົງການສະຖິຕິແຫ່ງຊາດຈີນກ່າວໃນພິທີຖະແຫຼງຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ 10 ຕຸລານີ້ວ່າ, ຈີນບັນລຸເປົ້າໝາຍພັດທະນາທີ່ເສດຖະກິດເຕີບໂຕ 6,5% ໃນປີນີ້ແມ່ນບໍ່ມີບັນຫາ, ຍິ່ງກວ່ານັ້ນເສດຖະກິດຈີນອາດຈະເຕີບໂຕຫຼາຍກວ່າເປົ້າໝາຍດັ່ງກ່າວ, ທ່າອຽງທີ່ເສດຖະກິດຈີນພັດທະນາຢ່າງໝັ້ນທ່ຽງແລະດີຂຶ້ນນັ້ນບໍ່ມີການປ່ຽນແປງ.
ທ່ານນິ້ງຈີເຈີກ່າວວ່າ, ໃນຂະນະດຽວກັນເບິ່ງຄວາມໄວເຕີບໂຕຂອງເສດຖະກິດ, ຍັງຕ້ອງພິຈາລະລາເຖິງການມີວຽກເຮັດງານທຳ, ລາຄາສິນຄ້າ, ການອະນຸລັກສິ່ງແວດລ້ອມແລະອື່ນໆ. ໃນຫຼາຍປີຜ່ານມາ, ອັດຕາການປະກອບອາຊີບຂອງຈີນດີສົມຄວນ, ລາຄາສິນຄ້າຕ່ຳກວ່າລະດັບຄາດໝາຍ, ສະພາບແວດລ້ອມທຳມະຊາດກໍໄດ້ດີຂຶ້ນ. ເບິ່ງໂດຍລວມແລ້ວ, ປະເທດຕົນມີຄວາມໝັ້ນໃຈຢ່າງເຕັມທີ່, ມີເງື່ອນໄຂແລະຄວາມສາມາດບັນລຸເປົ້າໝາຍພັດທະນາເສດຖະກິດສັງຄົມໃນປີນີ້ໄດ້ໂດຍບໍ່ມີບັນຫາໃດໆ.
 |
