ຕາມຂ່າວCRI: ວັນທີ 10 ຕຸລານີ້, ກຳປັ່ນຂັບໄລ່ດ້ວຍລູກສອນໄຟ "ຊາຟີ"ຂອງກອງທັບເຮືອອາເມລິກາໄດ້ເຂົ້າສູ່ນ່ານທະເລໝູ່ເກາະຊີ່ຊ່າຈີນ ແລະດຳເນີນການເຄື່ອນໄຫວການເດີນເຮືອຢ່າງເສລີໂດຍບໍ່ໄດ້ຮັບການອະນຸມັດຈາກລັດຖະບານຈີນ. ຫຼັງຈາກນັ້ນ ຈີນໄດ້ສົ່ງກຳປັ່ນຮົບໄປດຳເນີນການສຳຫຼວດ ແລະພິສູດຕໍ່ກຳປັ່ນອາເມລິກາຕາມກົດໝາຍ,ເຕືອນແລະໄລ່ໃຫ້ກຳປັ່ນດັ່ງກ່າວຖອນອອກຈາກເຂດນັ້ນໃນທັນທີ.
ໃນກອງປະຊຸມຂ່າວທີ່ຈັດຂຶ້ນວັນທີ 11 ຕຸລານີ້, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ຢືນຢັນຕໍ່ເລື່ອງນີ້ໂດຍກ່າວວ່າ: ການກະທຳທີ່ກ່ຽວຂ້ອງຂອງກຳປັ່ນອາເມລິກາໄດ້ລະເມີດກົດໝາຍຂອງຈີນແລະກົດໝາຍສາກົນທີ່ເປັນການທຳລາຍອະທິປະໄຕແລະຜົນປະໂຫຍດດ້ານຄວາມໝັ້ນຄົງຂອງຈີນຢ່າງໜັກໜ່ວງ. ຈີນເດັດດ່ຽວຄັດຄ້ານຕໍ່ເລື່ອງນີ້.
ທ່ານນາງ ຮວ້າຊຸ່ນຢີງ ກ່າວເນັ້ນວ່າ: ລັດຖະບານຈີນຈະສືບຕໍ່ໃຊ້ມາດຕະການຢ່າງເດັດຂາດເພື່ອປົກປ້ອງອະທິປະໄຕເໜືອດິນແດນແລະສິດຜົນປະໂຫຍດທາງທະເລຂອງຕົນ. ຈີນຮຽກຮ້ອງໃຫ້ອາເມລິກາຈົ່ງເຄົາລົບອະທິປະໄຕແລະຜົນປະໂຫຍດດ້ານຄວາມໝັ້ນຄົງຂອງຈີນຢ່າງແທ້ຈິງ,ເຄົາລົບຄວາມພະຍາຍາມຂອງປະເທດຢູ່ໃນພາກພື້ນໃນການປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້ຢ່າງແທ້ຈິງ,ຢຸດຕິການກະທຳທີ່ຜິດພາດແບບນີ້ອີກ.
 |
