ນັກ​ທ່ອງ​ທ່ຽວ​ຈີນ​ໄປ​ທ່ຽວ​ຟີ​ລິບ​ປິນນັບ​ມື້​ນັບ​ຫຼາຍ​ຂຶ້ນ​ຈະ​ດຶງ​ດູດ​ສິນ​ຄ້າຍີ່​ຫໍ້​ດັງ​ຂອງ​ໂລກ​ໄປ​ລົງ​ທຶນ​ຢູ່ຟີ​ລິບ​ປິນ
2017-10-12 16:54:33  cri 
ຕາມ​ຂ່າວ​ສານ​ Manila Bulletin ​ລາຍ​ງານໃຫ້​ຮູ້​ວ່າ: ຫວ່າງມໍ່ໆ​ມາ​ນີ້, ທ່ານ​ ວານ​ດາ ຕູ​ໂຟ​ເຕວ ລັດ​ຖະ​ມົນ​ຕີ​ກະ​ຊວງ​​ທ່ອງ​ທ່ຽວ​ຟີ​ລິບ​ປິນ​ກ່າວ​ໃນ​ຂະ​ນະ​ທີ່​ເຂົ້າ​ຮ່ວມກອງ​ປະ​ຊຸມ​ສຸດຍອດ​ໂລກ​ກ່ຽວ​ກັບ​ການ​ປອດ​ພາ​ສີ​ແລະ​ການ​ຈຳ​ໜ່າຍ​ຍ່ອຍ​ດ້ານ​ການ​ທ່ອງ​ທ່ຽວ​ປີ 2017 ທີ່​ເກນ​ເນ​ສ໌​ປະ​ເທດ​ຝ​ະ​ຣັ່ງ​ວ່າ: ນັກ​ທ່ອງ​ທ່ຽວ​ຈີນ​ທ່ຽວ​ຟີ​ລິບ​ປິນ​ນັບ​ມື້​ນັບ​ຫຼາຍ​ຂຶ້ນ​ຈະ​ດຶງ​ດູດສິນ​ຄ້າ​ຍີ່​ຫໍ້​ດັງ​ຂອງ​ໂລກ​ເຂົ້າ​ໄປ​ລົງ​ທຶນ​ຢູ່​ຟີ​ລິບ​ປິນ​ຫຼາຍກວ່າ​ເກົ່າ.

ທ່ານ ວານ​ດາ ຕູ​ໂຟ​ ກ່າວ​ຕື່ມ​ວ່າ: ຍີ່​ຫໍ້​ດັງ​ຂອງ​ໂລກ​ພວມ​ຊອກ​ຫາ​ປະ​ເທດ​ທີ່​ມີ​ຈຳ​ນວນ​ນັກ​ທ່ອງ​ທ່ຽວ​ຈີນ​ໄປ​ທ່ຽວ​ຫຼາຍ​ເພື່ອ​ໃຫ້​ໄດ້​ຕາມ​ຄາດ​ໝາຍ​ຂອງການ​ເຕີບ​ໂຕ. ຟີ​ລິ​ບ​ປິນ​ຈະ​ນຳ​ເຂົ້າ​ສິນ​ຄ້າ​ຍີ່​ຫໍ້​ດັງ​ຂອງ​ໂລກ ເພື່ອ​ດຶງ​ດູດ​ນັກ​ທ່ອງ​ທ່ຽວ​ຈີນ​ໃຫ້​ຫຼາຍກວ່າ​ເກົ່າ. ໃນ 10 ປີ​ຕໍ່​ໜ້າ, ຂະ​ແໜງ​ການ​ປອດ​ພາ​ສີ​ຂອງ​ຟີ​ລິບ​ປິນ​ຄາດ​ວ່າ​ສະ​ເລ່ຍ​ແລ້ວຈະ​ເພີ່ມ​ຂຶ້ນ 40%.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ