ທະ​ນາ​ຄານ​ໂລກ​ຄາດ​ຄະ​ເນ​ວ່າ ອັດ​ຕາ​ການ​ເຕີບ​ໂຕ​ຂອງ​ເສດ​ຖະ​ກິດ​ໄທ​ໃນ​ປີ​ນີ້​​ມີ​ພຽງ​ແຕ່ 3,5% ​ຕ່ຳ​ສຸດ​ໃນ​ອາ​ຊຽນ
2017-10-12 16:55:28  cri 
ຕາມ​ຂ່າວCRI: ຫວ່າງມໍ່ໆ​ມາ​ນີ້, ທ່ານ​ນາງ ຊຸດ​ເຮຍ ເຊັດ​ຕີ ນັກ​ເສດ​ຖະ​ສາດ​ຜູ້​ທີ​ໜຶ່ງ​ທີ່​ຮັບ​ຜິດ​ຊອບ​ເຂດ​ອາ​ຊີ​ຕາ​ເວັນ​ອອກ​ແລະປາ​ຊີ​ຟິກ​ຂອງ​ທະ​ນາ​ຄານ​ໂລກ​ໃຫ້​ຮູ້​ວ່າ: ຄາດ​ວ່າ ອັດ​ຕາ​ການ​ຟື້ນ​ຕົວ​ຂຶ້ນ​ຂອງ​ເສດ​ຖະ​ກິດ​ໂລກໃນ​ປີ​ນີ້​ຈະ​ມີ​ເຖິງ 2,9%, ຈະ​ສົ່ງ​ຜົນ​ດີ​ຕໍ່​ການ​ເຕີບ​ໂຕ​ເສດ​ຖະ​ກິດ​ຂອງ​ປະ​ເທດ​ທີ່​ພວມ​ພັດ​ທະ​ນາ​ຢູ່​ພາກ​ພື້ນ​ອາ​ຊີ​ຕາ​ເວັນ​ອອກ​ກໍ​ຄື​​ປາ​ຊີ​ຟິກ, ຄາດ​ວ່າ​ອັດ​ຕາ​ການ​ເຕີບ​ໂຕ​ເສດ​ຖະ​ກິດ​ຂອງ​ປະ​ເທດ​ດັ່ງ​ກ່າວ​ໃນ​ປີ​ນີ້​ຈະ​ມີ​ເຖິງ 6,4%.

ທ່ານ​ນາງ ຊຸດ​ເຮຍ ເຊັດ​ຕີ ກ່າວ​ວ່າ: ອັດ​ຕາ​ການ​ເຕີບ​ໂຕ​ຂອງ​ເສດ​ຖະ​ກິດ​ຈີນ​ໃນ​ປີ​ນີ້​ຈະ​ມີ​ເຖິງ 6,7%, ອັດ​ຕາ​ການ​ເຕີບ​ໂຕ​ຂອງ​ເສດ​ຖະ​ກິດ​ຂອງ​ກຸ່ມເສດ​ຖະ​ກິດ​​ໃຫຍ່​ຂອງ​ອາ​ຊີ​ຕາ​ເວັນ​ອອກ​ສຽງ​ໃ​ຕ້​​ມີ​ເຖິງ 5,1%, ໃນ​ປີ​ໜ້າ​ຈະ​ບັນ​ລຸ​ເຖິງ 5,2% ເຊິ່ງໃນ​ນີ້​ໄດ້​ຊຸກ​ຍູ້​ຄວາມ​ຕ້ອງ​ການ​ພາຍ​ໃນ​ຂອງປະ​ເທດ​ໄທ​ໃນ​ລະ​ດັບ​ໃດ​ໜຶ່ງຢ່າງ​ແຂງ​ແຮງ. ຄາດ​ວ່າ​ອັດ​ຕາ​ການ​ເຕີບ​ໂຕ​ຂອງ​ເສດ​ຖະ​ກິດ​ໄທ​ໃນ​ປີ​ນີ້​ຈະ​ບັນ​ລຸ​ເຖິງ 3,5%, ແລະ​ປີ​ໜ້າ​ຈະ​ບັນ​ລຸ​ເຖິງ 3,6%, ແຕ່​ວ່າ​ໄທ​ຍັງ​ຢູ່​ອັນ​ດັບ​ສຸດ​ທ້າຍ​ໃນການ​ຈັດ​ອັນ​ດັບ​ບັນ​ດາ​ປະ​ເທດ​ອາ​ຊຽນ.

ເຈົ້າ​ໜ້າ​ທີ່​ຫ້ອງ​ກາ​ນ​ວຽກ​ງານ​ເສດ​ຖະ​ກິດ​ການ​ຄ້າ​ຂອງ​ກະ​ຊວງ​ການ​ເງິນ​ໄທ​ກ່າວ​ວ່າ: ເສດ​ຖະ​ກິດ​ໄທ​ມີ​ຫວັງ​ທີ່​ຈະ​ເລັ່ງ​ລັດ​ຟື້ນ​ຕົວ​ໂດຍ​ຜ່ານ​ຂະ​ບວນ​ການ​ຊຸກ​ຍູ້​ການ​ສົ່ງ​ອອກ,ການ​ທ່ອງ​ທ່ຽວ,ການ​ສ້າງ​ພື້ນ​ຖານ​ໂຄງ​ລ່າງ​ແລະ​ ​ອື່ນໆ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ