ນັກວິສະວະກອນຈີນຊຸດທຳອິດໄດ້ຜ່ານການຮັບຮອງຈາກໂຄງການກໍສ້າງທາງລົດໄຟຄວາມໄວສູງຂອງໄທ
2017-10-13 17:07:17 cri
ຕາມຂ່າວCRI: ຫວ່າງມໍ່ໆມານີ້, ສະມາຄົມນັກວິສະວະກອນໄທໄດ້ເປີດເຜີຍຜົນການກວດການັກວິສະວະກອນຈີນຊຸດທຳອິດທີ່ໄດ້ຜ່ານການຮັບຮອງຈາກໂຄງການກໍ່ສ້າງທາງລົດໄຟຄວາມໄວສູງບາງກອກ-ຈັງຫວັດນະຄອນລາດຊະສິມາຂອງໄທ. ທ່ານ ດຣ. ອາມອນ ພິມານມັດ ເລຂາທິການໃຫຍ່ສະມາຄົມນັກວິສະວະກອນໄທກ່າວວ່າ: ນັກວິສະວະກອນຈີນຊຸດທຳອິດໄດ້ຮັບການກວດກາຢູ່ນະຄອນທຽນສິນຂອງຈີນໃນວັນທີ 22 ຫາວັນທີ 25 ກັນຍາຜ່ານມາ, ໃນນັ້ນໄດ້ມີນັກວິສະວະກອນ 77 ຄົນໄດ້ຮັບຄະແນນທີ່ພົ້ນເດັ່ນ. ສະມາຄົມຕົນຈະມອບໃບຢັ້ງຢືນຄຸນວຸດທິໃຫ້ແກ່ນັກວິສະວະກອນເຫຼົ່ານີ້ ແລະຈາກນີ້ເຂົາເຈົ້າຈະສາມາດເຮັດວຽກຢູ່ໄທໄດ້ດ້ວຍໃບຢັ້ງຢືນດັ່ງກ່າວຢ່າງຊອບດ້ວຍກົດໝາຍ.