ຕອນເຊົ້າວັນທີ 12 ຕຸລານີ້, ທະນາຄານກາງຣັດເຊຍເລີ່ມພິມຈຳໜ່າຍທະນາບັດໃໝ່ໃບ 200 ຣູບແລະ 2000 ຣູບ. ທ່ານນາງເອວິຣບາ ນະບິວລິນາ, ຜູ້ວ່າການທະນາຄານກາງຣັດເຊຍກ່າວໃນພິທີຖະແຫຼງຂ່າວວ່າ, ຮູບແຕ້ມໃນທະນາບັດໃໝ່ແມ່ນສະຖານທີ່ທີ່ເປັນສັນຍະລັກຂອງເຂດກຼືມແລະຕາເວັນອອກໄກ. ຕາມປະເພນີ, ທະນາບັດໃໝ່ຈະນຳໃຊ້ຢູ່ສອງເຂດດັ່ງກ່າວແລະນະຄອນຫຼວງມົສກູກ່ອນ, ແລະຄາດວ່າຈະເລີ່ມໃຊ້ໃນທົ່ວປະເທດຣັດເຊຍແຕ່ເດືອນທັນວາປີນີ້ເປັນຕົ້ນໄປ.
ກ່ອນໜ້ານີ້, ຣັດເຊຍມີທະນາບັດມູນຄ່າ 6 ຊະນິດຄື: 10 ຣູບ, 50 ຣູບ, 100 ຣູບ, 500 ຣູບ, 1000 ຣູບແລະ 5000 ຣູບ. ທະນາຄານກາງຣັດເຊຍກ່າວວ່າ, ການທີ່ຈຳໜ່າຍທະນາບັດທີ່ມີມູນຄ່າໃໝ່ແມ່ນເພື່ອສະໜອງຄວາມສະດວກໃຫ້ແກ່ປະຊາຊົນ.