ທ່ານເຊີເກ ລັຟລົຟ ລັດຖະມົນຕີກະຊວງການຕ່າງປະເທດຣັດເຊຍແລະທ່ານເຣັກສ໌ ທິເລີຊັນ ລັດຖະມົນຕີກະຊວງການຕ່າງປະເທດອາເມລິກາໄດ້ໂທລະສັບລົມກັນໃນວັນທີ 12 ຕຸລານີ້, ໂດຍສອງຝ່າຍໄດ້ແລກປ່ຽນຄວາມເຫັນກ່ຽວກັບບັນຫານິວເຄຼຍອີຣານ, ບັນຫາຊີຣີ, ບັນຫາແຫຼມເກົາຫຼີ, ບັນຫາອູແກຼນແລະອື່ນໆ. ໃນເວລາເວົ້າເຖິງບັນຫານິວເຄຼຍອີຣານ, ທ່ານລັຟລົຟ ກ່າວວ່າ, ປະເທດຕົນເຫັນວ່າອີຣານພວມປະຕິບັດຕາມພັນທະທັງໝົດທີ່ກຳນົດໄວ້ໃນສັນຍານິວເຄຼຍອີຣານ, ບັນດາຝ່າຍລ້ວນແຕ່ຄວນປະຕິບັດສັນຍາສະບັບນີ້.
ກ່ອນໜ້ານີ້ທ່ານລັວລົຟເຄີຍກ່າວໃນພິທີຖະແຫຼງຂ່າວວ່າ, ສັນຍາກ່ຽວກັບບັນຫານິວເຄຼຍອີຣານໄດ້ຜ່ານການກວດກາແລະຮັບຮອງຈາກສະພາຄວາມໝັ້ນຄົງອົງການສະຫະປະຊາຊາດ, ຕ້ອງໄດ້ປະຕິບັດໃຫ້ດີ. ປະເທດຕົນຄິດບໍ່ອອກວ່າ, ອາເມລິກາຈະຖອນອອກຈາກສັນຍານິວເຄຼຍອີຣານແນວໃດໃນດ້ານກົດໝາຍ.
 |
