ຕາມຂ່າວCRI: ວັນທີ 12 ຕຸລານີ້ ຢູ່ລັດວໍຊິງຕັນ, ທ່ານຈິມຢົງກິມ ຜູ້ວ່າການທະນາຄານໂລກກ່າວວ່າ: ຈີນໄດ້ແກ້ໄຂບັນຫາຄວາມທຸກຍາກຂອງພົນລະເມືອງ 800 ລ້ານຄົນ ເຊິ່ງເປັນໜຶ່ງໃນຜົນສຳເລັດໃຫຍ່ທີ່ສຸດໃນປະຫວັດສາດມວນມະນຸດ, ບັນດາປະເທດທີ່ລາຍຮັບປານກາງຄວນຖອດຖອນບົດຮຽນໃນດ້ານນີ້ຂອງຈີນ.
ທ່ານກ່າວວ່າ, ຄຽງຄູ່ກັບການປະຕິຮູບເສດຖະກິດ ແລະເຂົ້າສູ່ຕະຫຼາດໂລກ, ຈີນພົນລະເມືອງ 800 ລ້ານຄົນຫຼຸດພົ້ນອອກຈາກຄວາມທຸກຍາກ. ຈີນໄດ້ປະກອບສ່ວນສ່ວນຫຼາຍທີ່ສຸດໃນການເຮັດໃຫ້ອັດຕາສ່ວນພົນລະເມືອງທຸກຍາກແຮງທີ່ສຸດໃນໂລກຫຼຸດຈາກ 40% ເຖິງ 10% ໃນປັດຈຸບັນ.
ທ່ານກ່າວຕື່ມວ່າ: ທະນາຄານໂລກບໍ່ພຽງແຕ່ຊ່ວຍເຫຼືອການພັດທະນາຈີນເທົ່ານັ້ນ, ຍັງຖອດຖອນບົດຮຽນຂອງຈີນອີກ. ປັກຈຸບັນນີ້, ທະນາຄານໂລກກຳລັງຮ່ວມມືກັບບໍລິສັດອາລີບາບາຈີນ ເພື່ອຊອກຄົ້ນວິທີແກ້ໄຂບັນຫາຄວາມຫຍຸ້ງຍາກໃນການລະດົມທຶນຂອງວິສາຫະກິດຂະໜາດກາງ ແລະນ້ອຍທະວີບອາຟຣິກາ.
 |
