ຕອນຄ່ຳວັນທີ 13 ຕຸລານີ້, ທ່ານຮາຊານ ຣູຮານີ ປະທານາທິບໍດີອີຣານກ່າວປາໄສທາງໂທລະພາບວ່າ, ສັນຍາຮອບດ້ານບັນຫານິວເຄຼຍອີຣານແມ່ນສັນຍາສາກົນສະບັບໜຶ່ງ, ອາເມລິກາບໍ່ມີສິດຍົກເລີdໂດຍຝ່າຍດຽວ.
ທ່ານຣູຮານີກ່າວວ່າ, ສັນຍານິວເຄຼຍອີຣາຍແມ່ນສັນຍາຫຼາຍຝ່າຍສະບັບໜຶ່ງ, ບໍ່ວ່າປະທານາທິບໍດີຂອງປະເທດໃດກໍຕາມກໍ່ບໍ່ສາມາດຍົກເລີກໄດ້ໂດຍຝ່າຍດຽວ. ໃນບັນຫາທີ່ປະຕິບັດຕໍ່ສັນຍານິວເຄຼຍອີຣານແນວໃດ, ຝ່າຍອື່ນໆລ້ວນແຕ່ບໍ່ເຫັນດີການກະທຳຂອງທ່ານທຣຳ.
ທ່ານຣູຮານີກ່າວເນັ້ນວ່າ, ສັນຍາຮອບດ້ານບັນຫານິວເຄຼຍອີຣານກໍ່ດັດແກ້ບໍ່ໄດ້. ອີຣານຈະປະຕິບັດຕາມຄຳໝັ້ນສັນຍາ, ສືບຕໍ່ຮ່ວມມືກັບອົງການພະລັງງານປະລະມານູສາກົນແລະອົງການສະຫະປະຊາຊາດ. ຖ້າສິດປະໂຫຍດຂອງອີຣານພາຍໃຕ້ສັນຍາດັ່ງກ່າວຖືກທຳລາຍ, ອີຣານກໍຈະມີປະຕິກິລິຍາຢ່າງບໍ່ລັ່ງເລໃຈ.