ຕອນຄ່ຳວັນທີ 12 ຕຸລານີ້, ທ່ານນາງອັອງຊານຊູຈີ ທີ່ປຶກສາແຫ່ງລັດມຽນມາໄດ້ກ່າວຄຳປາໄສຜ່ານທາງໂທລະພາບຕໍ່ທົ່ວປະເທດໂດຍປະກາດວ່າ, ມຽນມາຈະສ້າງກົນໄກໃໝ່ເພື່ອພັດທະນາລັດຍະໄຂ່, ຊຸກຍູ້ໃຫ້ປະຊາຊົນລັດຍະໄຂ່ກັບຄືນບ້ານເກີດເມືອງນອນ, ແກ້ໄຂບັນຫາຈັດສັນຄືນໃໝ່ ພ້ອມທັງຊຸກຍູ້ການພັດທະນາ ແລະ ສັນຕິພາບຂອງທ້ອງຖິ່ນ.
ທ່ານນາງອັອງຊານຊູຈີກ່າວວ່າ, ເພື່ອຊຸກຍູ້ລັດຍະໄຂ່ໃຫ້ພັດທະນາໂຄງການໃນຂົງເຂດຕ່າງໆ, ຈະສ້າງໂຄງການຊ່ວຍເຫຼືອມະນຸດສະທຳ, ຈັດສັນຄືນໃໝ່ ແລະ ພັດທະນາລັດຍະໄຂ່, ນາງເອງຈະເປັນປະທານຂອງອົງການໂຄງການດັ່ງກ່າວ. ກົນໄກໃໝ່ນີ້ຈະເລິ່ມປະຕິບັດໃນອາທິດໜ້າ, ມີຈຸດປະສົງບັນລຸໃຫ້ລັດຖະບານສະຫະພາບມຽນມາ, ທ້ອງຖິ່ນ, ອົງການຈັດຕັ້ງສາກົນ ພ້ອມທັງຊັ້ນຄົນຕ່າງໆໃນສັງຄົມຮ່ວມມືພ້ອມກັນໃນຂົງເຂດຕ່າງໆ.