ລະບົບເປໂຕຈີນສຳເລັດຜົນຄັ້ງທຳອິດໃນການບັນຊາການທົດລອງບິນຂອງຍົນໂດຍສານທີ່ຜະລິດໂດຍຈີນ

ວັນທີ 14 ຕຸລານີ້ ບໍລີສັດຍົນການຄ້າຈີນຈຳກັດປະກາດວ່າ, ລະບົບບັນຊາທິດດ້ວຍດາວທຽມເປໂຕຈີນໄດ້ບັນຊາການບິນຂອງຍົນໂດຍສານ ARJ21-700 ທີ່ຈີນອອກແບບແລະຜະລິດດ້ວຍຕົນເອງຢ່າງສຳເລັດຜົນ.

ຜົນການທົດລອງການບິນສະແດງໃຫ້ເຫັນວ່າ, ຄຸນນະພາບຂອງລະບົບທີ່ກ່ຽວຂ້ອງທີ່ຈີນຜະລິດດ້ວຍຕົນເອງໄດ້ບັນລຸມາດຕະຖານສາກົນ, ໃນນັ້ນ ຍັງມີຕົວເລກດັດຊະນີບາງຢ່າງໄດ້ຢູ່ນຳໜ້າລະດັບສາກົນ.

ມີການວິເຄາະວ່າ, ການທົດລອງການບິນເທື່ອນີ້ໄດ້ເກັບກຳຕົວເລກຈຳນວນຫຼວງຫຼາຍໃຫ້ແກ່ການຈັດຕັ້ງນຳໃຊ້ແລະເຜີຍແຜ່ມາດຖານສາກົນຂອງການບິນໂດຍສານສາກົນທີ່ນຳໃຊ້ລະບົບບັນຊາທິດດ້ວຍດາວທຽມເປໂຕໃນຕໍ່ໜ້ານີ້. ຍິ່ງສຳຄັນກວ່ານັ້ນແມ່ນ, ການທົດລອງເທື່ອນີ້ໄດ້ເປີດສາກຢ່າງເປັນທາງການທີ່ໃຫ້ຍົນໂດຍສານທີ່ຈີນຜະລິດດ້ວຍຕົນເອງນຳໃຊ້ລະບົບເອໂຕ, ເຊິ່ງໄດ້ເຮັດໃຫ້ໂຄງການສຳຄັນ 2 ໂຄງການທີ່ກ່ຽວຂ້ອງກັບເສດຖະກິດແຫ່ງຊາດຈີນແລະຊີວິດການເປັນຢູ່ຂອງປະຊາຊົນຈີນມີການປະສານສົມທົບເຂົ້າກັນຢ່າງແໜ້ນແຟ້ນ, ຈະມິຄວາມໝາຍສຳຄັນທີ່ສຸດຕໍ່ການພັດທະນາໃນຕໍ່ໜ້າ.