ໜ່ວຍກຳປັ່ນປ້ອງກັນການເດີນເຮືອຊຸດທີ 26 ຂອງກອງທັບເຮືອຈີນໄດ້ເດີນທາງເຖິງເມືອງຕູລົງປະເທດຝຣັ່ງໃນວັນທີ 15 ຕຸລານີ້ເພື່ອຢ້ຽມຢາມສັນຖະວະໄມຕີປະເທດດັ່ງກ່າວເປັນເວລາ 4 ວັນ.
ພົນຕີ ຫວາງຈົ້ງສາຍ ຜູ້ບັນຊາການໜ່ວຍກຳປັ່ນດັ່ງກ່າວຢືນຢັນໂດຍຫວັງໃຊ້ໂອກາດຢ້ຽມຢາມຄັ້ງນີ້ເພື່ອເຮັດໃຫ້ປະຊາຊົນແລະກອງທັບຝຣັ່ງເຂົ້າໃຈແລະຮັບຮູ້ກອງທັບຈີນໃຫ້ຫຼາຍຂຶ້ນຕື່ມ ພ້ອມທັງເພີ່ມທະວີມິດຕະພາບແລະການຮ່ວມມືລະຫວ່າງສອງປະເທດກໍຄືສອງກອງທັບຈີນ-ຝຣັ່ງຕື່ມອີກ.
ໜ່ວຍກຳປັ່ນປ້ອງກັນການເດີນເຮືອຊຸດທີ 26 ຂອງກອງທັບເຮືອຈີນໄດ້ອອກເດີນທາງແຕ່ວັນທີ 1 ເມສາຜ່ານມາ ແລະປະຕິບັດໜ້າທີ່ຢ້ຽມຢາມຫຼັງປະສົບຜົນສຳເລັດຢ່າງຈົບງາມໃນການປະຕິບັດໜ້າທີ່ປ້ອງກັນການເດີນເຮືອຢູ່ອາວອາເດັນແລະເຂດທະເລໂຊມາລີໃນວັນທີ 28 ສິງຫາຜ່ານມາ, ຂະນະທີ່ຝຣັ່ງເປັນປະເທດທີ 4 ທີ່ໜ່ວຍກຳປັ່ນດັ່ງກ່າວຢ້ຽມຢາມຫຼັງໄດ້ຢ້ຽມຢາມສັນຖະວະໄມຕີທີ່ປະເທດແບນຊິກ,ດານມາກແລະອັງກິດ.
