ວັນທີ 15 ຕຸລານີ້ ທ່ານ ເຣັກສ໌ ຕີວເລີຊອນ ລັດຖະມົນຕີກະຊວງການຕ່າງປະເທດອາເມລິກາກ່າວວ່າ: ທ່ານ ໂດນັນ ທຣຳ ປະທານາທິບໍດີອາເມລິກາຫວັງສາມາດແກ້ໄຂບັນຫານິວເຄລຍຂອງແຫຼມເກົາຫຼີໂດຍຜ່ານຊ່ອງທາງການຕ່າງປະເທດເປັນບູລິມະສິດ.
ໃນມື້ດັ່ງກ່າວ, ທ່ານ ຕີວເລີຊອນ ກ່າວໃນຂະນະທີ່ໃຫ້ສຳພາດຕໍ່ເວັບໄຊຂ່າວ CNN ຂອງອາເມລິກາວ່າ: ທ່ານ ໂດນັນ ທຣຳ ຈະບໍ່ສະແຫວງຫາການແກ້ໄຂບັນຫານິວເຄລຍຂອງແຫຼມເກົາຫຼີໂດຍຜ່ານຊ່ອງທາງການກໍ່ສົງຄາມ, ທ່ານສະໜັບສະໜູນຄວາມພະຍາຍາມການຕ່າງປະເທດຂອງອາເມລິກາໃນປັດຈຸບັນ ແລະກ່າວວ່າຄວາມພະຍາຍາມດັ່ງກ່າວຈະສືບຕໍ່ໄປອີກ.
ໃນວັນທີ 10 ຕຸລານີ້, ທ່ານນາງ ຮີດເທີ ນໍເອີດ ໂຄສົກກະຊວງການຕ່າງປະເທດອາເມລິກາກ່າວວ່າ: ຊ່ອງທາງການຕ່າງປະເທດຍັງແມ່ນວິທີທຳອິດຂອງອາເມລິກາໃນການແກ້ໄຂບັນຫານິວເຄລຍຂອງແຫຼມເກົາຫຼີ. ແຕ່ເຖິງວ່າບໍ່ມີຜູ້ໃດມັກຊ່ອງທາງການທະຫານກໍຕາມ,ແຕ່ນີ້ຍັງແມ່ນຊ່ອງທາງສຳຮອງຂອງອາເມລິກາຄືເກົ່າ.