ຄະນະກຳມະການສື່ສານ ແລະວິທະຍຸກະຈາຍສຽງແຫ່ງຊາດໄທປະກາດວ່າ: ການນຳໃຊ້ເຮືອບິນບໍ່ມີຄົນຂັບຢູ່ປະເທດຕົນຕ້ອງໄດ້ລົງທະບຽນຊື່ຈິງພາຍໃນ 90 ວັນເລີ່ມແຕ່ວັນທີ 11 ຕຸລານີ້ເປັນຕົ້ນໄປ. ນັກທ່ອງທ່ຽວຕ່າງປະເທດກໍຕ້ອງໄດ້ລົງທະບຽນເຊັ່ນດຽວກັນຖ້າຢາກຖ່າຍຮູບທາງອາກາດໂດຍໃຊ້ເຮືອບິນບໍ່ມີຄົນຂັບ.
ຄະນະກຳມະການດັ່ງກ່າວແຈ້ງໃຫ້ຮູ້ຕື່ມວ່າ: ນັກທ່ອງທ່ຽວຕ່າງປະເທດທີ່ນຳເອົາເຮືອບິນບໍ່ມີຄົນຂັບເຂົ້າເມືອງໄທຕ້ອງໄດ້ລົງທະບຽນຊື່ຈິງຢູ່ຫ້ອງການຄະນະກຳມະການສື່ສານ ແລະວິທະຍຸກະຈາຍສຽງແຫ່ງຊາດໄທ ຫຼືສະຖານີຕຳຫຼວດ ແລ້ວໄປກົມການບິນພົນລະເຮືອນໄທເພື່ອຮ້ອງຂໍອະນຸຍາດ ຈຶ່ງຈະສາມາດນຳໃຊ້ເຮືອບິນບໍ່ມີຄົນຂັບຢູ່ໄທໄດ້.
ຕາມກຳນົດໃໝ່ດັ່ງກ່າວ, ຜູ້ທີ່ລະເມີດລະບຽບການນີ້ຈະຖືກລົງໂທດໜັກສຸດຈະກັກຂັງເປັນເວລາ 5 ປີ ແລະປັບໃໝ 1 ແສນບາດ ຫຼືເທົ່າກັບ 2 ໝື່ນຢວນ.