ວັນທີ 15 ຕຸລານີ້, ສຳນັກຂ່າວສານສາທາລະນະລັດອິດສະລາມຂອງອີຣານລາຍງານວ່າ: ທ່ານອະລີ ອັກບາ ສະເລຮີ ປະທານອົງການພະລັງງານປະລະມານູອີຣານກ່າວວ່າ: ຖ້າລົບລ້າງສັນຍາຮອບດ້ານບັນຫານີວເຄຼຍອີຣານ, ປະເທດຕົນຈະຢຸດປະຕິບັດອະນຸສັນຍາສະບັບເພີ່ມເຕີມຂອງສົນທິສັນຍາ "ບໍ່ເຜີຍແຜ່ອາວຸດນີວເຄຼຍ".
ທ່ານຊາເລຮີກ່າວຕື່ມວ່າ: ອີຣານເປັນປະເທດພາຄີ "ສົນທິສັນຍາບໍ່ເຜີຍແຜ່ອາວຸດນີວເຄຼຍ", ເພື່ອບັນລຸເປົ້າໝາຍສະກັດກັ້ນການເຜີຍແຜ່ອາວຸດນີວເຄຼຍ ຈຶ່ງເຊັນອະນຸສັນຍາສະບັບເພີ່ມເຕີມດັ່ງກ່າວ, ແຕ່ຍັງບໍ່ທັນຮັບຮອງເອົາໃນສະພາອິດສະລາມອີຣານເທື່ອ ຈຶ່ງຍັງບໍ່ມີຜົນບັງຄັບໃຊ້. ປັດຈຸບັນນີ້, ອີຣານປະຕິບັດອະນຸສັນຍາດັ່ງກ່າວດ້ວຍຄວາມສະໝັກໃຈ, ແຕ່ຖ້າລົບລ້າງສັນຍານີວເຄຼຍອີຣານແລ້ວ, ອີຣານກໍບໍ່ມີຄວາມຈຳເປັນທີ່ຈະປະຕິບັດຕາມອະນຸສັນຍາດັ່ງກ່າວອີກ. ນອກນີ້, ຖ້າວ່າອີຣານເຫັນວ່າ ສັນຍານີວເຄຼຍອີຣານບໍ່ມີຜົນປະໂຫຍດຕໍ່ຕົນອີກແລ້ວ, ອີຣານກໍຈະເລັ່ງຟື້ນຟູການສະກັບຢູ່ເຣນຽມຂຸ້ນທີ່ມີຄວາມຂຸ້ນເປັນ 20% ໂດສາມາດຟື້ນຟູການປະຕິບັດພາຍໃນ 4 ມື້, ຂະນະທີ່ບາງວຽກລະອຽດກໍສາມາດຟື້ນຟູພາຍໃນບໍ່ເທົ່າໃດຊົ່ວໂມງ.