ກົມຖະແຫຼງຂ່າວທຳນຽບປະທານາທິບໍດີຟິລິບປິນ ແຈ້ງໃຫ້ຊາບໃນຫວ່າງມໍ່ໆມານີ້ວ່າ, 2 ລາຍການທີ່ຜະລິດໂດຍວິທະຍຸສາກົນແຫ່ງປະເທດຈີນ ຫຼື CRI ໄດ້ອອກອາກາດຢູ່ວິທະຍຸຟິລິບປິນ ຫຼື RP1 ໃນທຸກໆວັນເສົາແລະວັນອາທິດມື້ລະສອງເທື່ອນັບແຕ່ເດືອນສິງຫາເປັນຕົ້ນມາ.
ຂ່າວແຈ້ງວ່າ, ກົມຖະແຫຼງຂ່າວທຳນຽບປະທານາທບໍດີຟິລິບປິນ ແລະ ວິທະຍຸ CRI ໄດ້ເຊັນສັນຍາໃນເດືອນກຸມພາປີຜ່ານມາ ເຊິ່ງມີເນື້ອໃນລະບຸວ່າ, ສອງຝ່າຍຈະສົ່ງພະນັກງານເພື່ອແລກປ່ຽນວິຊາການເຊິ່ງກັນແລະກັນ ພ້ອມທັງໃຫ້ວິທະຍຸ CRI ຮ່ວມມືກັບໂຄສົກຕົ້ນຕໍຂອງຟິລິບປິນ ເພື່ອຈັດທຳລາຍການດ້ວຍພາສາອັງກິດແລະຟິລິບປິນ ເພື່ອອອກອາກາດຢູ່ວິທະຍຸຟິລິບປິນ.
ກົມຖະແຫຼງຂ່າວທຳນຽບປະທານາທິບໍດີຟິລິບປິນ ກ່າວຕື່ມວ່າ, ນີ້ແມ່ນການເລີ່ມຕົ້ນໃໝ່.
ຕາມແຜນການ, 2 ລາຍການທີ່ຈັດທຳໂດຍວິທະຍຸ CRI ທີ່ໄດ້ອອກອາກາດຢູ່ວິທະຍຸຟິລິບປິນນັ້ນ ເພື່ອຜູ້ຟັງຟິລິບປິນໂດຍສະເພາະ.