ເຂດຢາງກຸງປະເທດມຽນມາ ໄດ້ຈັດການແຂ່ງຂັນວິລະບຸລຸດໂຕໜັງສືຈີນຮອບຊະນະເລີດຄັ້ງທຳອິດໃນວັນທີ 14 ຕຸລານີ້.
ທ່ານ ທຽນຊ້ານທິງ ທີ່ປຶກສາວັດທະນະທຳຂອງສະຖານທູດຈີນປະຈຳມຽນມາ ໄດ້ກ່າວໃນພິທີວ່າ, ການສະແດງພື້ນຖານທີ່ຈະແຈ້ງທີ່ສຸດຂອງວັດທະນະທຳຈີນແມ່ນພາສາແລະໂຕໜັງສື. ໂຕໜັງສືຈີນມີເອກະລັກພິເສດ, ມີເນື້ອໃນອຸດົມສົມບູນ ແລະມີຄວາມແຕກຕ່າງກັນຫຼາຍກັບໂຕໜັງສືແບບຜັນສຽງ. ທ່ານຮຽກຮ້ອງໃຫ້ນັກຮຽນທີ່ເຂົ້າຮ່ວມການແຂ່ງຂັນ ຈົ່ງສືບຕໍ່ພະຍາຍາມເພື່ອຮຽນພາສາຈີນໃຫ້ດີແລະຊອກຮູ້ວັດທະນະທຳຈີນ.
ການແຂ່ງຂັນຄັ້ງນີ້ ເຊິ່ງໄດ້ຮັບການມອບໝາຍຈາກຫ້ອງການພາສາຈີນແຫ່ງຊາດຈີນແລະສະຖານທູດຈີນປະຈຳມຽນມາ ແລະຈັດໂດຍສູນສຶກສາພາສາດີເລີດຢາງກຸງ, ເຊິ່ງ ສາມຝ່າຍດັ່ງກ່າວຫວັງວ່າຜ່ານຈາກການແຂ່ງຂັນຄັ້ງນີ້ ຈະສົ່ງເສີມວັດທະນະທຳອັນເປັນມູນເຊື້ອທີ່ດີງາມຂອງປະຊາຊາດຈີນ ແລະຍົກສູງລະດັບພາສາຈີນຂອງນັກຮຽນທ້ອງຖິ່ນໃຫ້ນັບມື້ນັບດີຂຶ້ນເລື້ອຍໆ.