"ຊຸດອົບຮົມແລກປ່ຽນສີມືນວດແລະຝັງເຂັມແບບພື້ນເມືອງຈີນມຽນມາ" ໄດ້ຈັດຂຶ້ນຢູ່ວິທະຍາໄລແພດແຜນຈີນຢຸນນານປະເທດຈີນ. ພະນັກງານແພດ 17 ຄົນທີ່ມາຈາກຂະແໜງສາທາລະນະສຸກຂອງມຽນມາຈະຮຽນຮູ້ການປິ່ນປົວດ້ວຍການນວດແລະຝັງເຂັມແບບການພື້ນເມືອງຈີນ,ແລະແລກປ່ຽນບົດຮຽນເຊິ່ງກັນແລະກັນກ່ຽວກັບຢາພື້ນເມືອງຂອງມຽນມາ.
ຊຸດອົບຮົບຄັ້ງນີ້ຈັດໂດຍອົງການປົກຄອງແຂວງຢຸນນານ ເຊິ່ງມີຈຸດປະສົງເພື່ອຕອບສະໜອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ",ຊຸກຍູ້ການຮ່ວມມືທີ່ແທ້ຈິງລະຫວ່າງສອງປະເທດໃນຂົງເຂດການແພດພື້ນເມືອງ. ທ່ານ ໂຊປາງ ກົງສຸນໃຫຍ່ຂອງສະຖານກົງສຸນໃຫຍ່ມຽນມາປະຈຳຄຸນໝິງຈີນກ່າວວ່າ: ການນວດແລະຝັງເຂັມໄດ້ຮັບຄວາມນິຍົມຈາກປະຊາຊົນມຽນມານັບມື້ນັບຫຼາຍຂຶ້ນ, ສອງປະເທດດຳເນີນການແລກປ່ຽນແລະຮ່ວມມືໃນຂົງເຂດການປິ່ນປົວ ຈະມີຜົນດີຕໍ່ສຸຂະພາບຂອງປະຊາຊົນສອງປະເທດ. ທ່ານຫວັງວ່າສອງຝ່າຍຈະເພີ່ມທະວີການຮ່ວມມືກັນ ເພື່ອໃຫ້ໄດ້ຮັບໝາກຜົນທີ່ໃຫຍ່ຫຼວງກວ່າເກົ່າ.