ວັນທີ 18 ຕຸລານີ້, ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ໄດ້ໄຂຂຶ້ນຢູ່ນະຄອນຫຼວງປັກກິ່ງ, ທ່ານສີຈີ້ນຜີງ ປະທານປະເທດຈີນໄດ້ຕາງໜ້າຄະນະກຳມະການສູນກາງພັກກອມມູນິດຈີນຊຸດທີ 18 ກ່າວບົດລາຍງານ ໂດຍປະກາດວ່າ, ສັງຄົມນິຍົມທີ່ມີສີສັນພິເສດຂອງຈີນໄດ້ກ້າວເຂົ້າສູ່ສະໄໝໃໝ່, ນີ້ແມ່ນການພັດທະນາໃໝ່ໃນປະຫວັດສາດຂອງຈີນ.
ທ່ານສີຈີ້ນຜີງກ່າວວ່າ, ໃນ 5 ປີທີ່ຜ່ານມາ, ຈີນໄດ້ລົງເລິກການປະຕິຮູບຢ່າງຮອບດ້ານ, ລວມຍອດຜະລິດຕະພັນພາຍໃນຫຼື GDP ຂອງຈີນໄດ້ເພີ່ມຂຶ້ນຮອດ 80.00 ຕື້ຢວນ ເຊິ່ງໄດ້ປະກອບສ່ວນເຂົ້າໃນການເຕີບໂຕຂອງເສດຖະກິດໂລກຫຼາຍກວ່າ 30%, ການປະກອບອາຊີບໃນຕົວເມືອງເພີ່ມຂຶ້ນຫຼາຍກວ່າ 13 ລ້ານຄົນຕໍ່ປີ, 60 ລ້ານກວ່າຄົນໄດ້ຫຼຸດຜ່ອນຄວາມທຸກຍາກຢ່າງໝັ້ນທ່ຽງ. ທ່ານສີຈີ້ນຜີງກ່າວເນັ້ນວ່າ: "ໂດຍຜ່ານການທຳຄວາມພະຍາຍາມມາເປັນໄລຍະຍາວນານ, ສັງຄົມນິຍົມທີ່ມີສີສັນພິເສດຂອງຈີນໄດ້ກ້າວເຂົ້າສູ່ສະໄໝໃໝ່. ສະໄໝໃໝ່ນີ້ຈະສືບທອດອັນເກົ່າໄປສູ່ອັນໃໝ່, ຈະ ສືບຕໍ່ປະຕິບັດວຽກງານເກົ່າແລະບຸກເບີກວຽກງານໃໝ່ ແລະ ຈະສືບຕໍ່ຍາດເອົາໄຊຊະນະອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນໃນເງື່ອນໄຂປະຫວັດສາດໃໝ່, ຈະເປັນສະໄໝສຳຄັນຕໍ່ການສ້າງສາສັງຄົມທີ່ອີ່ມໜຳສຳລານຢ່າງຮອບດ້ານໃຫ້ສຳເລັດເພື່ອສ້າງສາປະເທດສັງຄົມນິຍົມທີ່ເຂັ້ມແຂງແລະທັນສະໄໝຢ່າງຮອບດ້ານ, ຈະເປັນສະໄໝທີ່ຈີນກ້າວໄປສູ່ໃຈກາງຂອງເວທີສາກົນເປັນກ້າວໆ ແລະ ປະກອບສ່ວນຫຼາຍກວ່າເກົ່າໃຫ້ແກ່ມ່ວນມະນຸດຢ່າງບໍ່ຢຸດຢັ້ງ."
ບົດລາຍງານຊີ້ອອກວ່າ,ໃນຖານະທີ່ເປັນຜົນງານຫຼ້າສຸດທີ່ລັດທິມາກຫັນເປັນ ຈີນ ແລະ ຂໍ້ແນະນຳດ້ານການກະທຳທີ່ບັນລຸການຟື້ນຟູຄວາມຈະເລີນຮຸ່ງເຮືອງຂອງປະຊາຊາດຈີນຄືນໃໝ່, ພັກກອມມູນິດຈີນ ແລະ ປະຊາຊົນຈີນຈະຍຶດໝັ້ນເປັນເວລາຍາວນານ ແລະ ຂະຫຍາຍຢ່າງບໍ່ຢຸດຢັ້ງກ່ຽວກັບແນວຄິດສັງຄົມນິຍົມທີ່ມີສີສັນພິເສດຂອງຈີນສະໄໝໃໝ່. ທ່ານສີຈີ້ນຜີງກ່າວວ່າ,"ແນວຄິດສັງຄົມນິຍົມທີ່ມີສີສັນພິເສດຂອງຈີນໃນສະໄໝໃໝ່, ຍຶດໝັ້ນ ແລະ ຂະຫຍາຍສັງຄົມນິຍົມທີ່ມີສີສັນພິເສດຂອງຈີນຢ່າງຄັກແນ່, ໃນໄລຍະກາງສະຕະວັດນີ້ສ້າງຈີນເປັນປະເທດສັງຄົມນິຍົມທີ່ເຂັ້ມແຂງທັນສະໄໝ, ຮັ່ງມີ, ປະຊາທິປະໄຕ,ສິວິໄລ, ກົມກຽວກັນ ແລະ ສວຍງາມ. ໃນສະໄໝໃໝ່ ຂໍ້ຂັດແຍ້ງຕົ້ນຕໍຂອງປະເທດຈີນແມ່ນຂໍ້ຂັດແຍ້ງລະຫວ່າງຄວາມຕ້ອງການຊີວິດການເປັນທີ່ດີງາມຢູ່ທີ່ນັບມື້ນັບເພິ່ມຂຶ້ນຂອງປະຊາຊົນ ກັບ ການພັດທະນາທີ່ບໍ່ດຸນດຽງ ແລະ ບໍ່ເຕັມທີ່, ຕ້ອງຍຶດໝັ້ນແນວຄິດພັດທະນາທີ່ຖືປະຊາຊົນເປັນໃຈກາງ, ຊຸກຍູ້ໃຫ້ປະຊາຊົນພັດທະນາຢ່າງຮອບດ້ານ, ແລະພ້ອມກັນຮັ່ງມີຢ່າງບໍ່ຢຸດຢັ້ງ."
ບົດລາຍງານກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19 ເທື່ອນີ້ໄດ້ກຳນົດໃໝ່ຕໍ່ເປົ້າໝາຍທີ່ຈີນຈະບັນລຸໃນໄລຍະກາງສະຕະວັດນີ້, ຫັນຈາກການສ້າງເປັນ "ປະເທດສັງຄົມນິຍົມທີ່ທັນສະໄທີ່ຮັ່ງມີ ເຂັ້ມແຂງ, ປະຊາທິປະໄຕ, ສິວິໄລ ແລະກົມກຽວກັນ" ໃນເມື່ອກ່ອນນັ້ນປ່ຽນເປັນ"ປະເທດສັງຄົມນິຍົມທີ່ເຂັ້ມແຂງ,ທັນສະໄໝ ຮັ່ງມີ ເຂັ້ມແຂງ, ປະຊາທິປະໄຕ,ສິວິໄລ, ກົມກຽວກັນ ແລະ ສວຍງາມ", ນີ້ສະແດງໃຫ້ເຫັນວ່າ, ພັກກອມມູນິດຈີນເອົາໃຈໃສ່ສູງ ແລະຍັງລົງເລິກ ຍົກລະດັບເປົ້າໝາຍທີ່ສູ້ຊົນໃຫ້ປະສົບຜົນສຳເລັດເປັນຢ່າງດີ.
ເມື່ອກ່າວເຖິງນະໂຍບາຍການຕ່າງປະເທດຂອງຈີນ, ທ່ານ ສີຈິ້ນຜິງ ກ່າວເນັ້ນວ່າ: ພັກກອມມູນິດຈີນໄດ້ຖືການປະກອບສ່ວນທີ່ໃຫຍ່ຫຼວງກວ່າເກົ່າຕໍ່ມວນມະນຸດເປັນພາລະໜ້າທີ່ຂອງພັກຕົນມາໂດຍຕະຫຼອດ. ຈີນຈະຍຶດໝັ້ນເດີນຕາມເສັ້ນທາງແຫ່ງການພັດທະນາໂດຍສັນຕິ,ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ,ເດັດດ່ຽວປະຕິບັດນະໂຍບາຍການຕ່າງປະເທດໂດຍສັນຕິຢ່າງເປັນເອກະລາດແລະເປັນເຈົ້າຕົນເອງ,ຕັ້ງໜ້າພັດທະນາການພົວພັນຄູ່ຮ່ວມມືໃນໂລກ,ເປີດກວ້າງຈຸດເຊື່ອມຕໍ່ຜົນປະໂຫຍດກັບບັນດາປະເທດ,ຍຶດໝັ້ນປະຕິບັດນະໂຍບາຍໂດຍພື້ນຖານທີ່ໄຂປະຕູສູ່ພາຍນອກ,ຍຶດໝັ້ນການເປີດປະຕູປະເທດເຮັດວຽກກໍ່ສ້າງ,ຊຸກຍູ້ການຮ່ວມມືສາກົນໃນຂອບ"ໜຶ່ງແລວທາງໜຶ່ງເສັ້ນທາງ" ຢ່າງຕັ້ງໜ້າ,ຍຶດໝັ້ນທັດສະນະດ້ານການຄຸ້ມຄອງໂລກທີ່ມີການປຶກສາຫາລື,ການສ້າງສາແລະຊົມໃຊ້ຮ່ວມກັນ.
ໃນ 5 ປີຜ່ານມາ, ທັງພາຍໃນແລະຕ່າງປະເທດໄດ້ຕີລາຄາຢ່າງສູງຕໍ່ການເພີ່ມທະວີມາດຕະການແລະປະສິດທິຜົນດ້ານການຄຸ້ມຄອງພັກຢ່າງເຄັ່ງຄັດແລະຮອບດ້ານ. ໃນຖານະເປັນໃຈກາງການນຳຂອງພັກ,ທ່ານ ສີຈິ້ນຜິງ ໄດ້ເຕືອນໃຫ້ທົ່ວພັກຄວນດຳເນີນການຄຸ້ມຄອງພັກຢ່າງເຄັ່ງຄັດແລະຮອບດ້ານຕະຫຼອດໄປ,ຈົ່ງຍາດເອົາໄຊຊະນະໃນການຕ້ານການສໍ້ລາດບັງຫຼວງ. ທ່ານ ສີຈິ້ນຜິງ ກ່າວວ່າ:"ປະຊາຊົນມີຄວາມຄຽດແຄ້ນທີ່ສຸດຕໍ່ປາກົດການສໍ້ລາດບັງຫຼວງ ເຊິ່ງເປັນການຂົ່ມຂູ່ທີ່ໃຫຍ່ທີ່ສຸດທີ່ພັກພວກເຮົາຜະເຊີນໜ້າ. ມີແຕ່ມີນ້ຳໃຈອົດທົນແລະໜຽວແໜ້ນບໍ່ອ່ອນແອໃນເສັ້ນທາງດັ່ງກ່າວຕະຫຼອດໄປ,ລົງເລິກການແກ້ໄຂເຖິງກົກເຖິງຮາກ,ຮັບປະກັນຄວາມບໍລິສຸດຜຸດຜ່ອງຂອງພະນັກງານແລະລັດຖະບານ,ເຮັດໃຫ້ການເມືອງມີຄວາມໂປ່ງໃສ,ຈຶ່ງຈະສາມາດຮັບປະກັນຄວາມໝັ້ນຄົງຖາວອນຂອງພັກແລະລັດໄດ້."
