ຕາມຂ່າວCRI:ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນໄດ້ໄຂຂຶ້ນຢູ່ນະຄອນຫຼວງປັກກິ່ງໃນວັນທີ 18 ຕຸລານີ້. ໃນເວລາສະເໜີບົດລາຍງານຕໍ່ກອງປະຊຸມໃຫຍ່, ທ່ານສີຈິ້ນຜິງກ່າວເນັ້ນວ່າ, ການບັນລຸເປົ້າໝາຍທີ່ຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງຊົນຊາດຈີນແມ່ນພາລະກຳປະຫວັດສາດແລະຄວາມໄຝ່ຝັນອັນຍິ່ງໃຫຍ່ຂອງພັກກອມມູນິດຈີນໃນໄລຍະໃໝ່, ຕ້ອງປະຕິບັດການສູ້ຊົນຢ່າງຍິ່ງໃຫຍ່, ສ້າງໂຄງການທີ່ຍິ່ງໃຫຍ່, ເລັ່ງລັດປະຕິບັດພາລະກິດຢ່າງຍິ່ງໃຫຍ່.
ທ່ານສີຈິ້ນຜິງໄດ້ເຕືອນຕໍ່ທົ່ວພັກວ່າ, ຕ້ອງຄັດຄ້ານຕໍ່ຄວາມເວົ້າແລະການກຳທຳທຸກຢ່າງທີ່ເປັນການບັ່ນທອນ, ບິດເບືອນແລະຢັບຢັ້ງຕໍ່ການນຳພາຂອງພັກກອມມູນິດຈີນແລະລະບອບສັງຄົມນິຍົມຂອງຈີນຢ່າງເດັດດ່ຽວ, ຄັດຄ້ານຕໍ່ການກະທຳທຸກຢ່າງທີ່ເປັນການທຳລາຍຜົນປະໂຫຍດຂອງປະຊາຊົນ, ຫ່າງເຫີນຈາກມວນຊົນ, ເພີ່ມທະວີກຳລັງການນຳພາດ້ານການເມືອງ, ດ້ານແນວຄິດ, ການຈັດຕັ້ງມວນຊົນ, ແລະກຳລັງການລິເລີ່ມຕໍ່ຂອງສັງຄົມພັກກອມມູນິດຈີນຢ່າງຕໍ່ເນື່ອງ.