ໜ່ວຍຍົນເຮລິກອບແຕຮັກສາສັນຕິພາບຈີນຈະໄປປະຕິບັດໜ້າທີ່ຢູ່ດາຟູຂອງຊູດັງ

ຕາມຂ່າວສານຊິ່ນຮວາ: ວັນທີ 17 ຕຸລານີ້ຕາມເວລາທ້ອງຖິ່ນ, ໜ່ວຍຍົນເຮລິກອບແຕຮັກສາສັນຕິພາບຈີນງວດທຳອິດຈຳນວນ 4 ລຳໄດ້ຮັບແຈ້ງການວ່າ ໄດ້ຖືກກວດຜ່ານຢ່າງເປັນທາງການແລ້ວ ຈາກອົງການສະຫະປະຊາຊາດແລະສະຫະພາບອາຝຣິກາປະຈຳດາຟູຂອງຊູດັງ, ເຊິ່ງໝາຍຄວາມວ່າ, ໜ່ວຍຍົນເຮລິກອບແຕຂອງຈີນຈະໄປປະຕິບັດໜ້າທີ່ຮັບຜິດຊອບຢູ່ເຂດນັ້ນຢ່າງຮອບດ້ານ.

ການກວດກາອຸປະກອນການບິນອາກາດແມ່ນການປະເມີນແບບສັງລວມຮອບດ້ານທີ່ອົງການສະຫະປະຊາຊາດດຳເນີນຕໍ່ອຸປະກອນການບິນອາກາດທີ່ປະເທດເຫຼົ່ານັ້ນທີ່ສົ່ງທະຫານໄປປະຈຳການນັ້ນ ວ່າ ມີຄວາມສາມາດໃນການປະຕິບັດໜ້າທີ່ແລະຮັບຜິດຊອບຮັກສາສັນຕິພາບໄດ້ຫຼືບໍ່.

ໜ່ວຍຍົນເຮລິກອບແຕຮັກສາສັນຕິພາບຈີນງວດທຳອິດຖືກອງພົນນ້ອຍການບິນອາກາດຂອງທະຫານກອງພົນທີ 81 ກອງທັບບົກຂອງຈີນເປັນຫຼັກ, ລວມທັງໝົດ 140 ຄົນ, ມີຍົນເຮລິກອບແຕຂະໜາດກາງ M-171 ສີ່ລຳ, ເພື່ອປະຕິບັດໜ້າທີ່ຕ່າງໆ, ເຊັ່ນ: ການລາດຕະເວນທາງອາກາດ, ການຂົນສົ່ງກອງທັບຮັກສາສັນຕິພາບ, ການສົ່ງຜູ້ກູ້ໄພ, ການລຳລຽງແລະໜ້າທີ່ອື່ນໆ.