ວັນທີ 18 ຕຸລານີ້ ຢູ່ກົມຮ່ວມມືສາກົນຂອງກະຊວງການຕ່າງປະເທດກຳປູເຈຍ, ຜູ້ຕາງໜ້າອົງການສະຫະປະຊາຊາດໄດ້ມອບເງິນຊ່ວຍເຫຼືອໃຫ້ແກ່ຄອບຄົວທະຫານຮັກສາສັນຕິພາບຂອງກຳປູເຈຍ 4 ຄົນທີ່ເສຍຊີວິດໃນຂະນະທີ່ປະຕິບັດໜ້າທີ່ຮັກສາສັນຕິພາບຂອງອົງການສະຫະປະຊາຊາດ, ແຕ່ລະຄອບຄົວໄດ້ຮັບເງິນຜູ້ລະ 7 ໝື່ນໂດລາສະຫະລັດ ໂດຍມີທ່ານ ປຣັກ ຊົກຄົນ ລັດຖະມົນຕີລັດຖະກິດທັງເປັນລັດຖະມົນຕີກະຊວງການຕ່າງປະເທດແລະຮ່ວມມືສາກົນກຳປູເຈຍແລະຜູ້ຕາງໜ້າອົງການສະຫະປະຊາຊາດປະຈຳກຳປູເຈຍໄດ້ເຂົ້າຮ່ວມພິທີມອບເງິນໃນຄັ້ງນີ້.
ໃນວັນທີ 8 ພຶດສະພາປີນີ້, ກອງທະຫານຊ່າງແສງທີ່ມີທະຫານຮັກສາສັນຕິພາບຂອງກຳປູເຈຍ 12 ຄົນ ໄດ້ເດີນທາງຈາກເຂດ RAfai ເພື່ອກັບຄືນຖານທັບໂດຍມີການປ້ອງກັນຈາກກອງທະຫານມາຣົກ, ຂະນະທີ່ຜ່ານບ້ານ Yogofongo ໄດ້ຖືກກຸ່ມກະບົດທ້ອງຖິ່ນໂຈມຕີ. ໃນເວລານັ້ນ, ທະຫານກຳປູເຈຍຜູ້ໜຶ່ງໄດ້ຖືກສັງຫານ, ບາດເຈັບ 1 ຄົນແລະອີກ 3 ຄົນຫາຍສາບສູນ. ໃນຕອນຄ່ຳມື້ດຽວກັນ, ໄດ້ພົບສົບຂອງຜູ້ຫາຍສາບສູນທັງ 3 ຄົນຢູ່ສະຖານທີ່ໃກ້ບ່ອນເກີດເຫດ 2 ກິໂລແມັດ.
ດັ່ງນັ້ນ, ສະພາກາແດງກຳປູເຈຍກໍ່ໄດ້ມອບເງິນຊ່ວຍເຫຼືອໃຫ້ແກ່ຄອບຄົວຂອງຜູ້ເສຍຊີວິດ. ຄອບຄົວລະ 20 ລ້ານຣຽວຫຼືປະມານ 5.000 ໂດລາສະຫະລັດ.
 |
