ສຳນັກຂ່າວສານສູນກາງຂອງ ສປປ ເກົາຫຼີ ລາຍງານໃນວັນທີ 19 ຕຸລານີ້ວ່າ: ວັນທີ 18 ຕຸລານີ້, ສປປ ເກົາຫຼີ ໄດ້ກ່າວປະນາມອາເມລິກາແລະ ສ.ເກົາຫຼີ ທີ່ດຳເນີນການຊ້ອມຮົບເທິງທະເລຮ່ວມຢູ່ເຂດທະເລອ້ອມແຫຼມເກົາຫຼີ, ແລະກ່າວວ່ານີ້ເປັນການທ້າທາຍເກາະຜິດດ້ານການທະຫານທີ່ເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນຢ່າງໜັກໜ່ວງ.
ຖະແຫຼງການກ່າວວ່າ: ການຊ້ອມຮົບຄັ້ງນີ້ເປັນການກະທຳທີ່ທ້າທາຍແລະເກາະຜິດທາງການທະຫານເພື່ອທຳລາຍສັນຕິພາບແລະຄວາມໝັ້ນຄົງຂອງພາກພື້ນ, ເປັນການທ້າທາຍຕໍ່ປະຊາຊົນ ສປປ ເກົາຫຼີ ກໍຄືບຸກຄົນທີ່ຮັກຫອມສັນຕິພາບຂອງໂລກທີ່ມີຄວາມປາຖະໜາຕໍ່ສັນຕິພາບແລະຄວາມໝັ້ນຄົງຂອງແຫຼມເກົາຫຼີ.
ຂ່າວແຈ້ງວ່າ:ກອງທັບອາເມລິກາ ແລະ ສ.ເກົາຫຼີ ດຳເນີນການຊ້ອມຮົບຮ່ວມຢູ່ເຂດທະເລໃກ້ແຫຼມເກົາຫຼີ ໃນວັນທີ 16 ຕຸລານີ້. ກອງທັບເຮືອ ສ.ເກົາຫຼີ ກ່າວວ່າ: ການຊ້ອມຮົບຄັ້ງນີ້ຈະດຳເນີນໄປຈົນຮອດວັນທີ 20 ຕຸລານີ້ຈຶ່ງຈະສິ້ນສຸດລົງ.