ວັນທີ 18 ຕຸລານີ້ ຢູ່ເມືອງກວາງໂຈ່ວຈີນ, ບໍລິສັດການບິນຊູ່ນຊິ່ວຈີນທີ່ມີລາຄາຖືກປະກາດວ່າ: ນັບແຕ່ວັນທີ 5 ພະຈິກ 2017 ນີ້ເປັນຕົ້ນໄປ, ບໍລິສັດຕົນຈະເປີດເສັ້ນທາງການບິນໂດຍກົງຈາກເມືອງກວາງໂຈ່ວໄປສິງກະໂປ.
ເສັ້ນບິນດັ່ງກ່າວຈະມີຖ້ຽວບິນ 3 ເທື່ອຕໍ່ອາທິດ ແລະຈະໃຊ້ເວລາໃນການເດີນທາງປະມານ 4 ຊົ່ວໂມງກໍ່ຈະເຖິງສິງກະໂປ ແລະລາຄາປີ້ຍົນແມ່ນ 427 ຢວນ (ເທົ່າກັບ 64,45 ໂດລາ) ຖ້າທຽບໃສ່ລາຄາປີ້ຍົນຂອງບໍລິສັດການບິນອື່ນໆແມ່ນຫຼຸດລື່ນກັນຫຼາຍຮ້ອຍຢວນ. ບໍລິສັດຕົນຍັງຈະປະຈຳຢູ່ອາຄານT4ຂອງສະໜາມບິນຊ່າງງີ່ສິງກະໂປ ເພື່ອອຳນວຍຄວາມສະດວກ ແລະບໍລິການຜູ້ໂດຍສານ.
ພາຍຫຼັງສັບປະດາຄຳໄລຍະພັກວັນຊາດຈີນ, ການບິນ ແລະການທ່ອງທ່ຽວກໍຈະເຂົ້າສູ່ໄລຍະຫຼຸດຜ່ອນລົງ. ຂໍ້ມູນຈາກການບິນຊູ່ນຊິ່ວຊີ້ໃຫ້ເຫັນວ່າ: ວັນທີ 27 ຕຸລານີ້, ລາຄາປີ້ຍົນຂອງເສັ້ນບິນໂດຍກົງຈາກກວາງໂຈ່ວຫານະຄອນຫຼວງພະນົມເປັນກຳປູເຈຍ ກໍຄືຈາກກວາງໂຈ່ວຫາແຂວງສຽມຣຽບກຳປູເຈຍມີພຽງແຕ່ 517 ຢວນ ແລະຈາກກວາງໂຈ່ວຫານະຄອນຫຼວງບາງກອກໄທພຽງແຕ່ 526 ຢວນເທົ່ານັ້ນ ຫຼື ເທົ່າກັບ 79,4 ໂດລາ.