ວັນທີ 18 ຕຸລານີ້, ຄະນະກຳມະການເລືອກຕັ້ງລະດັບສູງ ແລະລົງປະຊາມະຕິຂອງເຂດປົກຄອງຕົນເອງເຄີດິສະຖານລາຍງານວ່າ: ຢຸດວຽກງານກະກຽມຊົ່ວຄາວຂອງການເລືອກຕັ້ງສະພາ ແລະປະທານຂອງເຂດປົກຄອງຕົນເອງເຄີດິສະຖານທີ່ຄາດວ່າຈະຈັດຂຶ້ນໃນວັນທີ 1 ພະຈິກໜ້ານີ້ ການປ່ອນບັດເລືອກຕັ້ງຂອງພົນລະເມືອງກໍຈະເລື່ອນເວລາອອກໄປເຊັ່ນດຽວກັນ.
ເນື່ອງຈາກສະຖານະການເຄັ່ງຕຶງຂອງເຂດປົກຄອງຕົນເອງເຄີດິສະຖານ ແລະເລື່ອນເວລາໃນການສະເໜີຕົວລົງສະໝັກຮັບເລືອກຕັ້ງ, ຄະນະກຳມະການດັ່ງກ່າວຈຶ່ງຕົກລົງຢຸດການກະກຽມເລືອກຕັ້ງຊົ່ວຄາວ ຈົນກວ່າສະພາເຂດປົກຄອງຕົນເອງເຄີດິສະຖານຈະສາມາດຕົກລົງກັບໃໝ່ໄດ້.
 |
