ກອງປະຊຸມສະຫະພັນລັດຖະສະພານານາຊາດຄັ້ງທີ 137 ທີ່ມີຫົວຂໍ້ວ່າ "ຊຸກຍູ້ວັດທະນະທຳຫຼາຍເຄົ້າແລະສັນຕິພາບໂດຍຜ່ານຈາກການສົນທະນາລະຫວ່າງຄວາມເຊື່ອຖືຕ່າງກັນແລະຊົນເຜົ່າຕ່າງກັນ" ໄດ້ໄຂຂຶ້ນຢູ່ແຊງປີເຕີສບວກແຫ່ງຣັດເຊຍໃນວັນທີ 14-18 ຕຸລານີ້.
ທ່ານ ຈ່າງພິງ ຮອງປະທານຄະນະປະຈຳສະພາປະຊາຊົນແຫ່ງຊາດຈີນ ໄດ້ນຳພາຄະນະເຂົ້າຮ່ວມກອງປະຊຸມດັ່ງກ່າວ ແລະປະກອບຄຳຄິດຄຳເຫັນວ່າ: ຄວນເອົາການກວມລວມເຂົ້າແທນອະຄະຕິ ແລະ ເຄົາລົບຄວາມຫຼາກຫຼາຍຂອງວັດທະນະທຳໃນໂລກ; ຄວນເອົາການສົນທະນາເຂົ້າແທນການເປັນປໍລະປັກກັນ ແລະ ຊຸກຍູ້ການແລກປ່ຽນແລະຖອດຖອນບົດຮຽນເຊິ່ງກັນແລະກັນລະຫວ່າງວັດທະນະທຳທີ່ຕ່າງກັນ; ຄວນເອົາການຮ່ວມມືເຂົ້າແທນການປະທະກັນ ແລະ ບັນລຸວັດທະນະທຳທີ່ຫຼາກຫຼາຍຢູ່ຮ່ວມກັນຢ່າງປອງດອງແລະເຂົ້າອົກເຂົ້າໃຈກັນ. ພ້ອມນີ້, ຈີນຍິນດີຮ່ວມກັບບັນດາປະເທດ ເພື່ອສ້າງອາລະຍະທຳມະນຸດທີ່ເປີດປະຕູແລະກວມລວມ, ເຮັດໃຫ້ວັດທະນະທຳຂອງໂລກມີຫຼາກຫຼາຍສີສັນ, ເຮັດໃຫ້ຄວາມຫຼາກຫຼາຍແລະຫຼາຍເຄົ້າຂອງວັດທະນະທຳ ກາຍເປັນພະລັງແຮງທີ່ບໍ່ສິ້ນສຸດໃນການພັດທະນາອາລະຍະທຳຂອງມວນມະນຸດ.