ຂະບວນຄາຣາວານລົດ "ເຊື່ອມສາຍສຳພັນວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງ" 13 ຄັນໄດ້ເດີນທາງເຖິງກຳປູເຈຍ ແລະຈັດພິທີຕ້ອນຮັບຢູ່ສູນວັດທະນະທຳຈີນນະຄອນຫຼວງພະນົມເປັນໃນວັນທີ 19 ຕຸລານີ້. ທ່ານຈົວເວີນສິ່ງ ທີ່ປຶກສາທູດສະຖານທູດຈີນປະຈຳກຳປູເຈຍ, ທ່ານເພືອງສັກເຣນາ ລັດຖະມົນຕີກະຊວງສິລະປະວັດທະນະທຳກຳປູເຈຍ, ແລະຜູ້ຕາງໜ້າສະຖານທູດຫວຽດນາມ, ລາວ, ມຽນມາ ແລະໄທປະຈຳກຳປູເຈຍໄດ້ເຂົ້າຮ່ວມກິດຈະກຳດັ່ງກ່າວ.
ການເດີນທາງເທື່ອນີ້ເປັນການສືບຕໍ່ໂຄງການຄາຣາວານລົດເຊື່ອມສາຍສຳພັນວັດທະນະທຳ ແລະການທ່ອງທ່ຽວຈີນ-ໄທ" ໂດຍກະຊວງວັດທະນະທຳຈີນ ແລະອົງການທ່ອງທ່ຽວແຫ່ງຊາດໄທຮ່ວມກັນຈັດຂຶ້ນ ເພື່ອຊຸກຍູ້ການແລກປ່ຽນວັດທະນະທຳໃນເຂດແມ່ນ້ຳລ້ານຊ້າງ-ແມ່ນ້ຳຂອງ. ຂະບວນລົດດັ່ງກ່າວໄດ້ເດີນທາງຈາກເມືອງນິງໂປ່ວແຂວງເຈີຈ່ຽງຈີນນັບແຕ່ວັນທີ 24 ກັນຍາເປັນຕົ້ນມາ ໂດຍຜ່ານແຂວງເຈີຈ່ຽງ, ຟູຈຽນ, ກວາງຕຸ້ງ, ກວາງຊີ ແລະຢຸນນານ ມຸ່ງໜ້າສູ່ພາກເໜືອໄທໃນວັນທີ 9 ຕຸລານີ້ ເຊິ່ງມີໄລຍະທາງຫຼາຍກວ່າ 1 ໝື່ນກິໂລແມັດ.