ຜົນການເລືອກຕັ້ງສະພາຕ່ຳຊຸດທີ 48 ຂອງຍີ່ປຸ່ນທີ່ປະກາດຫຼ້າສຸດໃນເວລາ 3 ໂມງຂອງວັນທີ 23 ຕຸລານີ້ໂດຍໃນ 465 ທີ່ນັ່ງຂອງສະພາຕ່ຳຍີ່ປຸ່ນ, ພັກເສລີປະຊາທິປະໄຕຫຼືພັກຈີມິນຂອງຍີ່ປຸ່ນໄດ້ 283 ທີ່ນັ່ງ, ຂະນະທີ່ພັກໂກເມໂຕເຊິ່ງເປັນພັກພັນທະມິດຂອງພັກຈີມິນໄດ້ 29 ທີ່ນັ່ງ. ແລະເມື່ອລວມກັນແລ້ວສອງພັກດັ່ງກ່າວໄດ້ 312 ທີ່ນັ່ງ, ເຊິ່ງກາຍ 2 ສ່ວນ 3 ຂອງທີ່ນັ່ງທັງໝົດໃນສະພາຕ່ຳ. ທັງນີ້ສື່ມວນຊົນຍີ່ປຸ່ນລາຍງານຫຼ້າສຸດວ່າ, ອັດຕາປ່ອນບັດໃນການເລືອກຕັ້ງຄັ້ງນີ້ມີພຽງແຕ່ 53,6%.
ຂ່າວແຈ້ງວ່າ, ທ່ານຊິນໂຈະ ອາເບະ ນາຍົກລັດຖະມົນຕີຍີ່ປຸ່ນປະກາດຍຸບສະພາຕ່ຳຂອງລັດຖະສະພາຍີ່ປຸ່ນຢ່າງເປັນທາງການໃນວັນທີ 28 ກັນຍາຜ່ານມາແລະໄດ້ດຳເນີນການເລືອກຕັ້ງໃໝ່.