ຕາມຂ່າວCRI : ວັນທີ 21 ຕຸລານີ້, ທະນາຄານອຸດສາຫະກຳ ແລະການຄ້າຈີນສາຂາຢ້າງກຸ້ງໄດ້ຈັດກອງປະຊຸມສຸດຍອດການບໍລິການທະນາຄານ "ໜຶ່ງແລວທາງໜຶ່ງເສັ້ນທາງ, ມຽນມາແຫ່ງສີຄຳ" ຢູ່ນະຄອນຢ້າງກຸ້ງມຽນມາໂດຍ ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາ, ທ່ານ ດຣ.ຕັ່ນມິນ ລັດຖະມົນຕີກະຊວງການຄ້າມຽນມາ ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານຫົງລ້ຽງກ່າວວ່າ: ທຶນແມ່ນສາຍເລືອດຂອງເສດຖະກິດສັງຄົມໃນຍຸກປັດຈຸບັນ "ໜຶ່ງແລວທາງໜຶ່ງເສັ້ນທາງ" ແລະ "ການເຊື່ອມໂຍງຂອງເງິນທຶນ"ກໍເພື່ອຮັບປະກັນການສະໜອງທຶນຮອນຢ່າງພຽງພໍ ແລະບໍລິການ ການທະນາຄານຢ່າງມີປະສິດທິພາບສູງໃຫ້ໂຄງການຕ່າງໆ. ຈາກນີ້ຈຶ່ງຫວັງວ່າ: ອົງການລັດຖະບານ, ສະຖາບັນການເງິນ ແລະວິສາຫະກິດຂອງສອງປະເທດຈີນ-ມຽນມາສາມາດແກ້ໄຂຄວາມຫຍຸ້ງຍາກ ແລະບັນຫາຕ່າງໆດ້ວຍການເບິ່ງຢ່າງຮອບດ້ານ ແລະປະດິດສ້າງໃໝ່ ເພື່ອໃຫ້ການຮ່ວມມືດ້ານການທະນາຄານສອງຊາດກ້າວເຂົ້າສູ່ລະດັບໃໝ່.
ທ່ານ ດຣ.ຕັ່ນມິນກ່າວວ່າ: ມຽນມາເປັນປະເທດຕາມລຽບ "ໜຶ່ງແລວທາງໜຶ່ງເສັ້ນທາງ" ແລະກໍເປັນປະເທດສະມາຊິກອາຊຽນ ຂໍສະແດງຄວາມຍ້ອງຍໍຊົມເຊີນຕໍ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຂອງຈີນ ແລະຫວັງວ່າຈະສາມາດດຶງດູດຫຼາຍວິສາຫະກິດຂອງຈີນເຂົ້າມາລົງທຶນຢູ່ມຽນມາ.
 |
