ຢູ່ຕາແສງສາງເຈິ່ງເຂດຫົງຮວ່າກັງເມືອງຈູ່ນຢີແຂວງກຸ້ຍໂຈ່ວ ສປຈີນ, ມີຮ້ານ "ໝີ່ເຕົ້າຮູ້ໃຈບຸນ" ທີ່ຂຽນປ້າຍວ່າ ຈະສະໜອງອາຫານເຊົ້າໂດຍບໍ່ເກັບເງິນໃຫ້ຜູ້ຮັກສາອະນາໄມ, ຄົນພິການ, ທະຫານປະຈຳການ ແລະຜູ້ອາຍຸສູງຫຼາຍກວ່າ 70 ປີ.
ຕະຫຼອດສອງປີຜ່ານມາ, ຮ້ານນີ້ໄດ້ປະຕິບັດຕາມຄຳໝັ້ນສັນຍາຢ່າງສະເໝີຕົ້ນສະເໝີປາຍ ໂດຍແຕ່ລະມື້ໄດ້ແຈກໝີ່ປະມານ 50 ຖ້ວຍ ທັງຮັບປະກັນປະລິມານ ແລະລົດຊາດດຽວກັນທີ່ເຄີຍຂາຍ. ນັບແຕ່ເດືອນພະຈິກປີ 2015 ເປັນຕົ້ນມາ, ຮ້ານນີ້ໄດ້ແຈກໝີ່ໃຫ້ກຸ່ມຄົນເປົ້າໝາຍໂດຍບໍ່ເກັບເງິນເຖິງ 1 ໝື່ນຖ້ວຍ.