ອິນໂດເນເຊຍ ໄດ້ເປີດ "ສູນອົບຮົມພາສາຈີນທ່ອງທ່ຽວ" ແຫ່ງທຳອິດຢູ່ເກາະບາຫຼີໃນວັນທີ 23 ຕຸລານີ້.
ທ່ານເສີນເວິຍ ຮອງຫົວໜ້າສະຖານກົງສຸນໃຫຍ່ຈີນປະຈຳເດນປາຊາ ( Denpasar) ປະເທດອິນໂດເນເຊຍ ໄດ້ສະແດງຄວາມຊົມເຊີຍທັງກ່າວປາໄສໃນພິທີເປີດວ່າ: ການສ້າງສູນອົບຮົມພາສາຈີນທ່ອງທ່ຽວ ຈະເສີມຂະຫຍາຍບົດບາດສຳຄັນຕໍ່ການແລກປ່ຽນທາງພາສາລະຫວ່າງປະຊາຊົນສອງຊາດ.
ສູນດັ່ງກ່າວແມ່ນມະຫາວິທະຍາໄລຮາຊານູດິນ, ມະຫາວິທະຍາໄລອູດາຢານາ ຂອງອິນໂດເນເຊຍ ແລະ ສະຖາບັນຂົງຈື້ ມະຫາວິທະຍາໄລຮາຊານຸດິນ ຮ່ວມກັນສ້າງຕັ້ງຂຶ້ນ ໂດຍຈະເປີດຊຸດອົບຮົມພາສາຈີນສັງລວມ ແລະ ຊຸດອົບຮົມພາສາຈີນປະຍຸກ ຢູ່ໃນມະຫາວິທະຍາໄລອູດາຢານາ, ຮ່ວມມືກັບຂະແໜງການທ່ອງທ່ຽວເກາະບາຫຼີ ເພື່ອອົບຮົມພາສາຈີນທີ່ສົມຄູ່ກັນໃຫ້ແກ່ຜູ້ປະກອບການໃນບໍລິສັດທ່ອງທ່ຽວ, ໂຮງແຮມ, ອົງການບໍລິການທ່ອງທ່ຽວ ແລະ ອົງການຄຸ້ມຄອງທ່ອງທ່ຽວ ທີ່ຕ້ອນຮັບນັກທ່ອງທ່ຽວຈີນ. ພ້ອມກັນນັ້ນ, ຍັງຈະສົ່ງນັກວິຊາການມາບັນຍາຍແລກປ່ຽນວິຊາການເຊິ່ງກັນແລະກັນ, ສົ່ງຄູສອນແລະນັກຮຽນໃນວິຊາທ່ອງທ່ຽວໄປແລກປ່ຽນແລະຮ່ຳຮຽນເຊິ່ງກັນແລະກັນອີກດ້ວຍ.