ຂ່າວສານອີຣານລາຍງານວ່າ, ອີຣານຈະເລີ່ມບໍລິການໂດຍສານຍົນນ້ອຍໃນ 2 ເດືອນຕໍ່ໜ້າ.
ທ່ານເມັດດິ ຣາຊາສ, ຜູ້ຮັບຜິດຊອບສະໜາມບິນໂບສນົວດ໌ແຂວງໂຄຣະຊັນເໜືອທີ່ພາກຕາເວັນອອກສຽງເໜືອຂອງອີຣານກ່າວໃນວັນທີ 23 ຕຸລານີ້ວ່າ, ສະໜາມບິນຂອງຕົນໄດ້ຈັດຊື້ເຮືອບິນນ້ອຍສອງລຳທີ່ມີບ່ອນນັ່ງ 4 ບ່ອນ, ແລະຈະເລີ່ມເປີດບໍລິການຮັບເໝົາໃນສອງເດືອນຕໍ່ໜ້າ, ການບໍລິການດັ່ງກ່າວແມ່ນບໍລິການຄົມມະນາຄົມອີກຮູບແບບໜຶ່ງລະຫວ່າງຕົວເມືອງ, ສາມາດເປີດຖ້ຽວບິນໄດ້ທຸກເວລາຕາມຄວາມຕ້ອງການຂອງລູກຄ້າ, ແລະຖ້ຽວບິນດັ່ງກ່າວຈະໃຊ້ ທາງແລ່ນພຽງສັ້ນໆເທົ່ານັ້ນ.
ທ່ານເມດດິກ່າວຕື່ມວ່າ, ການບໍລິການແບບນີ້ເປັນເລື່ອງປົກກະຕິຢູ່ອາເມລິກາ, ການາດາແລະປະເທດເອີລົບ, ດັ່ງນັ້ນອີຣານກໍຈະທົດລອງເລີ່ມເປີດບໍລິການດັ່ງກ່າວເຊັ່ນດຽວກັນ.