ວັນທີ 23 ຕຸລານີ້, ພາຍຫຼັງເຂົ້າຕະຫຼາດນັອກແວ, ຊູແອັດ ແລະແຟງລັງ alipayໄດ້ເຂົ້າດານມາກຢ່າງເປັນທາງການ, ສືບຕໍ່ເປີດກວ້າງທຸລະກິດໃນຕະຫຼາດເອີຣົບເໜືອ ເພື່ອອຳນວຍຄວາມສະດວກໃຫ້ນັກທ່ອງທ່ຽວຈີນທີ່ເດີນທາງໄປທ່ຽວປະເທດເອີຣົບເໜືອ.
ທ່ານຈ່າງເຈ ຜູ້ກໍ່ຕັ້ງຮ່ວມຂອງບໍລິສັດAPay Nordic ທີ່ເປັນຄູ່ຮ່ວມມືຢູ່ພາກພື້ນເອີຣົບເໜືອຂອງalipayກ່າວວ່າ: alipayເຂົ້າຕະຫຼາດດານມາກບໍ່ພຽງແຕ່ສາມາດສະໜອງວິທີຈ່າຍເງິນໃໝ່ໃຫ້ນັກທ່ອງທ່ຽວຈີນຢູ່ດານມາກເທົ່ານັ້ນ, ຍັງຊ່ວຍເຫຼືອວິສາຫະກິດດານມາກເປີດກວ້າງຕະຫຼາດຈີນໄດ້ອີກດ້ວຍ.
ນັບແຕ່alipayເຂົ້າຕະຫຼາດເອີຣົບເປັນຕົ້ນມາ, ໄດ້ຮັບຄວາມຊົມເຊີຍ ແລະຄວາມນິຍົມຈາກຄູ່ຮ່ວມມື ແລະຜູ້ປະກອບການຕ່າງໆ, ພ້ອມທັງໄດ້ຮັບການສະໜັບສະໜູນຂອງລັດຖະບານບັນດາປະເທດເອີຣົບເປັນຢ່າງດີ.