ເຈົ້າໜ້າທີ່ເຕັກນິກແລະຄຸ້ມຄອງທັນຍາຫານ 15 ທ່ານຈາກ 6 ປະເທດອາຊີແລະອາຟຣິກາຄື: ສີລັງກາ, ກາເມີຣູນ, ນີເຊ, ອູກັນດາ, ຕັງຊານີແລະຊິມບາເວໄດ້ຍົກລະດັບເຕັກນິກການສະສົມທັນຍາຫານຢູ່ເມືອງເສິງຕູ່ແຂວງເສສວນ ສປ ຈີນໃນວັນທີ 24 ຕຸລານີ້.
ການຍົກລະດັບເທື່ອນີ້ເປັນການຮ່ວມມືຈັດຂຶ້ນລະຫວ່າງກົມສະບຽງອາຫານແຫ່ງຊາດຈີນແລະຫ້ອງການການແຜນການທັນຍາຫານໂລກສະຫະປະຊາຊາດປະຈຳຈີນ, ເພື່ອຊຸກຍູ້ການຮ່ວມມືໃຕ້ໆ, ຊ່ວຍເຫຼືອປະເທດທີ່ພວມພັດທະນາໃຫ້ມີບົດຮຽນແລະເຕັກນິກໃນການສະສົມທັນຍາຫານແລະຫຼຸດຜົນເສຍຫາຍຫຼັງການຜະລິດ, ທັງຍົກສູງປະສິດທິພາບການປຸງແຕ່ງທັນຍາຫານແລະຊຸກຍູ້ໃຫ້ຄອບຄົວຊາວນາເຂົ້າເຖິງຕະຫຼາດ.
ທ່ານຈ່າງຊູຕຸ່ງ ຫົວໜ້າພະແນກທັນຍາຫານແຂວງເສສວນກ່າວວ່າ, ການຍົກລະດັບຄັ້ງນີ້ເປັນການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ດຳເນີນການຮ່ວມມືລະຫວ່າງຈີນກັບອາຟຣິກາແລະການຮ່ວມມືໃຕ້ໆ, ແລະໃນ"ຕໍ່ໜ້າພວກເຮົາຈະສືບຕໍ່ດຳເນີນການແລກປ່ຽນແບບລົງເລິກແລະເນັ້ນຫົວຂໍ້ສະເພາະພາຍໃຕ້ຂອບພັດທະນາຍຸດທະສາດການຮ່ວມມືໃຕ້ໆຂອງອົງການແຜນທັນຍາຫານໂລກຂອງສະຫະປະຊາຊາດ, ປະກອບສ່ວນເພື່ອພັດທະນາເຕັກນິກສະສົມແລະຄຸ້ມຄອງທັນຍາຫານໃຫ້ແກ່ປະເທດທີ່ພວມພັດທະນາ."
 |
