ວັນທີ 24 ຕຸລານີ້, ທ່ານອັນໂຕນີໂອ ກຸເຕີເຣັສ ເລຂາທິການໃຫຍ່ອົງການສະຫະປະຊາຊາດກ່າວປາໄສໃນວັນອົງການສປຊ ໂດຍຮຽກຮ້ອງໃຫ້ປະຊາຊົນບັນດາປະເທດຮ່ວມກັນຮັບມືກັບສິ່ງທ້າທາຍລັກສະນະທົ່ວໂລກ.
ທ່ານກ່າວວ່າ: ໂລກພວມປະເຊີນໜ້າກັບສິ່ງທ້າທາຍຫຼາຍຢ່າງ ເຊັ່ນ: ການປະທະກັນ ແລະຄວາມບໍ່ກ້ຳເກິ່ງທີ່ເກີດຂຶ້ນຮ້າຍແຮງເລື້ອຍໆ, ອາກາດບໍ່ດີ ແລະໄພຂົ່ມຂູ່ຂອງອາວຸດນິວເຄຼຍ. ປັດຈຸບັນ, ພວກເຮົາມີເຄື່ອງມື ແລະທຶນຮອນພຽງພໍໃນການຮັບມືກັບສິ່ງທ້າທາຍດັ່ງກ່າວ ແຕ່ຕ້ອງມີຈຸດປະສົງຄືກັນ. ຈາກນີ້ຈຶ່ງຂໍຮຽກຮ້ອງໃຫ້ປະຊາຊົນບັນດາປະເທດຮ່ວມກັນສ້າງໂລກແຫ່ງສັນຕິພາບ, ຍຸຕິທຳ ແລະຍືນຍົງ.
ວັນທີ 24 ຕຸລາປີ 1945, ກົດບັດຂອງອົງການສະຫະປະຊາຊາດມີຜົນບັງຄັບໃຊ້ ແລະອົງການສປຊໄດ້ຮັບການສ້າງຕັ້ງຂຶ້ນຢ່າງເປັນທາງການ. ກອງປະຊຸມອົງການສປຊໄດ້ຮັບຮອງເອົາມະຕິໃນປີ 1947 ໂດຍກຳນົດເອົາ ຕຸລາເປັນວັນອົງການສປຊ.