ວັນທີ 26 ຕຸລານີ້, ໄທໄດ້ຈັດພິທີຊາປະນະກິດສົບເຈົ້າຊີວິດມະຫາພູມີພົນອະດຸນຍະເດດ ໂດຍທ່ານຈ່າງກ່າວລີ້ ຮອງນາຍົກລັດຖະມົນຕີຈີນ ທູດພິເສດຂອງທ່ານສີຈິ້ນຜິງ ປະທານປະເທດຈີນເຂົ້າຮ່ວມ. ຄັ້ງເມື່ອເຈົ້າຊີວິດມະຫາພູມີພົນອະດຸນຍະເດດມີຊີວິດພ້ອມດ້ວຍພະບໍລົມວົງສານຸວົງກໍໄດ້ເອົາໃຈໃສ່ ແລະສະໜັບສະໜູນໄມຕີຈິດມິດຕະພາບຈີນ-ໄທ. ຈາກນີ້ ປະຊາຊົນຈີນໄດ້ສະແດງຄວາມຮູ້ບຸນຄຸນຕໍ່ການປະກອບສ່ວນທີ່ສຳຄັນໃນການພັດທະນາສາຍພົວພັນຈີນ-ໄທ.
ເຈົ້າຊີວິດມະຫາພູມີພົນອະດຸນຍະເດດໄດ້ເສຍຊີວິດໃນວັນທີ 13 ຕຸລາປີຜ່ານມາຢູ່ໂຮງໝໍສິລິນະຄະລິນນະຄອນຫຼວງບາງກອກ ລວມມີອາຍຸໄດ້ 89 ປີ. ຈາກນັ້ນໄດ້ນຳເອົາສົບໄປບຳເພັນກຸສົນຢູ່ພະລາຊະວັງໃຫຍ່ ເພື່ອໃຫ້ປະຊາຊົນໄທໄວ້ອາໄລ ແລະທົ່ວປະເທດໄທກໍເຂົ້າສູ່ໄລຍະໄວ້ອາໄລລະດັບຊາດເປັນເວລາໜຶ່ງປີ. ຂະນະທີ່ໃນເດືອນເມສາປີນີ້, ລັດຖະບານໄທປະກາດວ່າ: ແຕ່ວັນທີ 25 ຫາວັນທີ 29 ຕຸລານີ້ແມ່ນຢູ່ໃນໄລຍະຈັດພິທີຊາປະນະກິດສົບ.
