ວັນທີ 23 ຕຸລານີ້, ທ້າວລຽງຈື້ປິ່ນ ທີ່ປີນີ້ອາຍຸ 19 ປີໄດ້ກັບຄືນເຖິງປະເທດຫຼັງສຳເລັດການແຂ່ງຂັນສີມືແຮງງານໂລກຄັ້ງທີ 44. ໃນການແຂ່ງຂັນທີ່ອັດລົງໃນວັນທີ 19 ຕຸລານີ້, ທ້າວລຽງຈື້ປິ່ນໄດ້ແຊ໊ມລາຍການຊ່າງກໍ່ໂດຍສາມາດຊະນະຊາວເຢຍລະມັນ, ອັງກິດ,ດານມາກ ເຊິ່ງເປັນປະເທດທີ່ເຂັ້ມແຂງໃນລາຍການນີ້ແລະໄດ້ຮັບຫຼຽນຄຳເຊິ່ງເປັນຫຼຽນຄຳທຳອິດໃນລາຍການດັ່ງກ່າວຂອງຈີນ. ທ້າວລຽງຈື້ປິ່ນຢືນຢັນວ່າ ຕົນເອງມີຄວາມປາຖະໜານ້ອຍໆສິ່ງໜຶ່ງ ຄືເຮືອນຢູ່ບ້ານເກີດຕົນທີ່ກໍ່ສ້າງເມື່ອ 10 ກວ່າປີກ່ອນ ຫວັງວ່າຫຼັງຕົນຮຽນວິຊາການກໍ່ສ້າງແລ້ວ, ໃນຕໍ່ໜ້າບໍ່ວ່າຈະມື້ໃດມື້ໜຶ່ງຈະສາມາດກໍ່ສ້າງຕຶກໃຫ້ພໍ່ແມ່ດ້ວຍຕົນເອງເພື່ອໃຫ້ພໍ່ແມ່ສາມາດດຳລົງຊີວິດໃນໄວຊະລາຢ່າງມີຄວາມສຸກ.