ບ້ານສຸຍຢູ້ຕາແສງນານຢາວເມືອງຝາງຊ່ານ ຊານເມືອງທາງພາກຕາເວັນຕົກສຽງໃຕ້ນະຄອນຫຼວງປັກກິ່ງ ຫ່າງຈາກເທດສະບານເມືອງ 80 ກິໂລແມັດເປັນບ້ານທີ່ມີພູອ້ອມຮອບທັງສີ່ດ້ານ. ບ້ານດັ່ງກ່າວມີປະຫວັດມາເປັນ 600 ກວ່າປີແລ້ວ,ໂດຍທາງບ້ານຈົ່ງເປັນເດີ່ນທີ່ມີເຮືອນຢູ່ສີ່ດ້ານ ເຊິ່ງມີເອກະລັກຊົນນະບົດພາກເໜືອປະເທດຈີນ. ປີ 2014, ບ້ານດັ່ງກ່າວໄດ້ຮັບນາມມະຍົດວ່າ ບ້ານວັດທະນະທຳປະຫວັດສາດທີ່ມີຊື່ສຽງຂອງຈີນ.
ບ້ານສຸຍຢູ້ມີສິ່ງຍອດຢ້ຽມ 3 ຢ່າງຄື ໜຶ່ງ, ທາງບ້ານຈົ່ງເປັນເດີ່ນໂດຍມີເຮືອນອ້ອມຢູ່ທັງສີ່ດ້ານ 100 ກວ່າຫຼັງລວມ 600 ກວ່າຫ້ອງທີ່ມີປະຫວັດ 100 ກວ່າປີ. ສອງ, ໂມ້ຫີນ 128 ໜ່ວຍທີ່ກະແຈກກະຈາຍໃນບ້ານ ເຊິ່ງສ້າງສະຖິຕິໂລກກິເນັສບຸກແລະສາມແມ່ນ ການສະແດງຫຼິ້ນທຸງຫຼືພາສາຈີນເອີ້ນວ່າຈົ່ງຟ່ານ ເຊິ່ງເປັນລາຍການສະແດງປະເພນີຂອງຈີນທີ່ກຳເນີດເກີດຂຶ້ນກ່ອນຈາກນີ້ 700 ກວ່າປີ ແລະການສະແດງຫຼິ້ນທຸງຈົ່ງຟ່ານໄດ້ກາຍເປັນລາຍການເດັ່ນໃນການຕ້ອນຮັບນັກທ່ອງທ່ຽວຂອງບ້ານ.
