ໃນໂອກາດທີ່ເງິນຢວນຈີນເຂົ້າຮ່ວມເປັນເງິນຕາທີ່ມີສິດຖອນເງິນພິເສດ ຫຼື SDR ຂອງ ອົງການກອງທຶນເງິນຕາສາກົນ ຫຼື IMF ຄົບຮອບ 1 ປີ, ທ່ານມາວຣີຄິໂອ ຊັນໂຕໂຣ ຫົວໜ້າຄະນະການພົວພັນສາກົນ ມະຫາວິທະຍາໄລແຫ່ງລັດຣີໂອເດີຊາເນໂລ ປະເທດເບຼຊິນ ໄດ້ໃຫ້ສຳພາດຕໍ່ນັກຂ່າວວ່າ: ເງິນຢວນເຂົ້າຮ່ວມເປັນເງິນຕາທີ່ມີສິດຖອນເງິນພິເສດຂອງ IMF ໂດຍໃນຖານະທີ່ຈີນເປັນກຸ່ມເສດຖະກິດໃຫຍ່ອັນດັບສອງຂອງໂລກນັ້ນນັບມື້ ມີບົດບາດສູງຂຶ້ນໃນສາກົນ ແລະການທີ່ເງິນຢວນມີບົດບາດຂະຫຍາຍກວ້າງອອກກໍສອດຄ່ອງກັບກຳລັງ ເສດຖະກິດຂອງຈີນ.
ທ່ານຊັນໂຕໂຣ ກ່າວຕື່ມວ່າ: ການທີ່ເງິນຢວນຈີນເຂົ້າຮ່ວມເປັນເງິນຕາທີ່ມີສິດຖອນເງິນພິເສດຂອງ IMF ກໍໄດ້ຍົກລະດັບການຫັນເງິນຢວນເປັນເງິນຕາສາກົນສູງຂຶ້ນຕື່ມ. ຂະນະທີ່ເງິນຢວນມີສິດຖອນເງິນພິເສດ ຍັງໄດ້ຊຸກຍູ້ການປະຕິຮູບ IMF ແລະລະບົບເງິນຕາສາກົນຕື່ມອີກ. ແນວໃດກໍດີ, ຈີນໃນຖານະເປັນຕົວແທນຂອງກຸ່ມເສດຖະກິດທີ່ຈະເລີນໃໝ່ ເງິນຢວນຈີນມີສິດຖອນເງິນພິເສດຍ່ອມມີຄວາມໝາຍສຳຄັນທາງປະຫວັດສາດ ແລະກໍຈະປະກອບສ່ວນຕໍ່ການສ້າງລະບຽບການການເງິນສາກົນທີ່ເປັນທຳກວ່າເກົ່າ.